ما لصوتي يالمشاريه حيـل ولا عـزوم
وان تعديتي عتب خاطـري لا ترحلـي
هوي عن ثورة الشـك واقبـال الهمـوم
ليـن يجنـب تايـه الفكـر ولا يشملـي
سامح الله جرح الاحباب يوم وكـل يـوم
جرح تبريـه الليالـي وجـرح يعتلـي
وانت ياللي كل ما أمسيت جابتك الحلـوم
مرني طيفك وفزيـت يـوم اقبـل علـي
ماغدت عنك المساري ولا بالنـوم نـوم
السهـر عيـت دروبـه وعيـا ينجلـي
أسألك بالله وأمانـه وغيـره مـا يـدوم
وش علامك يومك ارخصتني ما قلت لي
مانويتـك نيـة الغـدر وانكـار السلـوم
الغدر ماهـو بسلمـي ولا سلـم أهلـي
هد طيشك لا يجي منـك تجريـح ولـوم
الله الـي عـز قـدري وثبـت منزلـي
غرتك نفسك وغررت بالقلـب الرحـوم
لين حلت أقصى طموحي على باب اجهلي
وانت لو تمشي دروب الغلا مع كل قـوم
ما حدن مقفي بقلبـك ولا حـدن مقبلـي
والله إني قـد وسمتـك بكفينـي وسـوم
ماتركت منك المياسم ولا ضلعـن خلـي
كم سنة مرت وان أشري بخفاقك واسـوم
والطعون اللي بصدرك تغيـض وتمتلـي
قلت لي تجرحين الشعـور ابـلا لـزوم
قلت لك : ما يونس الجرح غير المبتلـي
إيه أحبك إيـه أحبـك ولا فالحـب لـوم
والله إن لا مااك شفـي وصـدك مقتلـي
وان تباطيت الليالـي وعديـت النجـوم
انت خابر وش رضايه وتـدري بزعلـي
رح وانا يا صاحبي منك لو عشت محروم
والله إنـي حبـك اللـي بقـى والاولـي
مما راق لي
أحس أن العمر دمعة @ahs_an_alaamr_dmaa
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
لاهنتي