السلام عليكم ..
أنا ولدت من شهرين في مستشفى الفتيحي( المركز الطبي الدولي) كانت مراجعاتي كلها طبيعية وسليمة بس كنت من الشهر السادس وانا فيني طلق وتقريبا دايما موجودة في الطواري وكان دكتوري يقعد يخاصمني ليه تتدلعي علينا!!
لما خلصت الشهر التاسع خيرني الدكتور طلق صناعي او توسيع الرحم بيده قلت وسع الرحم لأني جربت الطلق قبل كذا, وسع لي الرحم ونزفت في وقتها كثييييير..شاف بالأشعة قال المشيمة نازلة علشان كذا كان بيجيك طلق
( وماشاء الله ما كنت عارف من أول) قال لازم عملية الحين خلال دقايق نجهزك و بنج نصفي أنا بغيت أموت من الخوف ما توقعت أبدا بس الحمد الله ولدت وأنا سليمة والولد سليم..
بعدها بيومين وانا في الستشفى جاني ألم قوي مرة في ظهري أقوى من الطلق و يقولوا تتدلع هذا برد و من العملية عادي طلعت من المستشفى وانا تعبانة مررررة وكنت أقول القيصري متعب مرررة وجاني ألم مرة قوي بعد الولادة ب 10 أيام ورحت للطوارئ قالوا فيك إمساك الله يكرمك ما بقى شي ما سووه فيني وانا كل ليلة عندهم ويعطوني موروفين أقوى أنواع المسكنات ولا في فايدة قالوا لازم أشعة بطلع عندي حصى في المرارة والمرارة متضخمة قال لازم عملية المرارة انا قعدت أبكي كمان توني عاملة قيصرية بس الحمد الله كنت خايفة اسويها عند مين؟؟ جا دكتور سعودي حسبي الله عليه بيسويها لما صرت عند باب غرفة العمليات غيرت رأيي مو مرتاحة أبدا قلت ماراح أسويها الحين قام عصب علي وقال إنتي حتدفعي يعني حتدفعي ( ماهمك الا الفلوس وانا بالطقاق )والأجهزة ففككناها و تكلفك عشرة آلاف ريال بعدها رحت عند دكتور سوداني وعملها لي..
ورجع لي ألم بعد العملية و أقول يا دكتوووور بمووت من الألم يقول لي مدلعة هذي من الخياطة طلعت من المستشفى و أنا لسه أتالم ولا تحاليل ولا شي و تعبانة ولدي مسكين رضع بس أسبوعين من صدري و ما أدري عنه حبيبي والله من الألم ما أقدر أرفع ظهري ونفاس لا أكل و لا نوم وتعب رحت مرة ثانية للمستشفى قالوا نسوي أشعة طلع فيه حصوة في قناة المرارة ماشافوها في العملية ولازم عملية منظار عن طريق الفم أنا هنا خلاص استسلمت أي شي سووا لي بس أبغى أرتاح وهم غلطهم طلعوني من العملية الأولى من غير فحوصات و ارتفع الكبد عندي مرة والتهب البنكرياس بسبة هذي الحصوة ورجعوا سووا لي منظار و بعدها الحمد الله ارتحت..
نصيحة المستشفى طوارئ سيئ وكل شي عندهم سيء حتى المعاملة أنا بموت من الألم ما أقدر أوقف في الطوارئ ويقولوا خذي الحرارة والضغط برة في الإستقبال بعدين أدخلي..ما أقول إلا حسبي الله عليهم..ياليت كل وحدة تدخل تدعي لي..
asm_acn @asm_acn
عضوة
يلزم عليك تسجيل الدخول أولًا لكتابة تعليق.
الصفحة الأخيرة
حسبي الله على كل من همه الفلوس قبل علاج الناس