لااستطيع تشخيص حالتي

السلام عليكم ورحمة الله وبركاته


من زمان ماكتبت موضوع مدري شلون ابدا😂
المهم انا في حيره من امري
بداية تشخيصي واللي قررت فيها اذهب للمشايخ صابني خوف شديد من اكون لحالي في اي مكان لازم يكون معي احد من اهلي او زوجي
البيت السوق كل مكان اصبحت مربوطه
واحس تعطيل بامور حياتي الماديه والمعنوية
خذلان من القريب شحنة نفوس اشياء كثير
ولكن ماكنت شايله هم او ملتفته لهالامور كثر حالة الخوف الشديد
مرات يجيني الخوف اذا كنت قمة الفرح واكل مع اهلي خصوصا الاكل
هلع توتر خوف ضيق نفس لحظات ويزول
لكن حالة الخوف اني اكون لحالي ماتزول ابد مهما تجاهلتها
اروح لشيوخ يقرون مايشخصون حالتي ولا يقرون ويقولون مافي شي
شلون مافي شي طيب واللي احس به
لين الله وفقني بشيخ وقلت له الاعراض
قالي مس مافهمت يعني شنو مس عطاني علاج ماقدرت اكمله لانه يلزق ع الجسم مومريح
سويت حجامه واخذت اسبوع بعدها ظهري الم شديد واكرمكم الله سهال مسكني تقريبا شهر وراحته كريهه
ورائحة عرق غريبه وكريهه مو الرائحه اللي دايم تصدر من الانسان
وقف الاسهال ولكن الرائحه العرق خفت ولكن مازالت موجوده
كلمت شيخ ثاني وقلت له اعراضي قالي تسلط من الشياطين بسبب حسد على الانجاب مافهمت ولكن كل ماقالت شي قال اعراض حسد
وبديت اقراء سورة البقره والرقيه على نفسي واشغل الرقيه وادهن بزيت ومسك وماء مقري وزمزم واستخدمت خلطة الرومي ٤يوم دهنت بطني زيت مقري وشغلت رقية عقد البطون وفجاءه شي تحرك وشد معي مغص خفيف ويوم خلصت الرقيه قمت فجاءه شي نزل مني يوم شفت الا الدوره
استغربت هي صحيح متاخره وتتاخر دايم بس استغربت وقتها مع الرقيه
مدري هو عشان متاخره ولا عشان الرقيه الدم كان مونفس كل مره دايم تكون نزولها خفيف هذي المره شوي ثقل واستمريت ع خلطة الرومي والرقيه اثناء سماع الرقيه نبض متنقل بالجسم ورفرفه شي غريب مرات كتوفي ورجولي مع بعض يرفون ومرات يكون الرف قوي نفس طقة الباب او احد ينبهك باصبعه
والاحلام تكون نمل صغير احمر الذر
سؤالي اللي يعرف انا وش فيني بالضبط
وهل هو شي من الجن ويتكلم ولا حسد عادي واعراضه تطلع بطرق ثانيه
قريت كثير ولا اني فاهمه شي
ودي بس اعرف وش فيني عشان اقدر اتخذ العلاج اللي امشي عليه
قريت ان النبض له مكان يستقر به حاولت احدد ماعرفت الجسم كله ينبض ويرف رف متنقل
والله يريح بالكم وبالنا