لابويه ولا اثاث كلش سياحي ��/ تم

السلام عليكم مبروك عليكم الشهر ياحوائيات ....
حبيت تساعدوني وتعلموني وش الدارج هالايام او شي موضته ماشيه ناعمه ومودرن
صالتي ٤*٤ او ٤*٥ ومفتوحه على باب المطبخ وسيب غرف النوم وباب الفاصل بين المجلس يعني مفتحه من كل مكان الله المستعان طبعا بلاطها قديم مو سيراميك شلنا الموكيت لاصبغنا ولا فرشنا ولا اثثناها
الموكيت ذبحني مع البزران حتى الكنب الله يصلحهم كنت حاطه مودرن اسود ولون من درجات الرمادي وحابه اغير لانها انعدمت وبقعت وماتواجه من ذا البزارين خاصه انها هي الاستقبال حق النساء والمعيشه بنفس الوقت الله يوسع علينا ببيت الملك يارب
الارضيه افكر احطها فينيل على شكل باركيه مثل غرفه اطفالي علشان عارفه اني لو بحط موكيت بينعدم والاشياء بتنكب عليه تلقائيا سبحان الله بيقولون اوووووه موكيت جديد خل ننكب عليه هههههههههههههههه افكر بالكنب الاحمر او الابيض مع انها مشكله مع البزران والضيوف اللي معهم اطفال لكن افكر البسها قماش ثاني وافكها اذا جاني ضيوف المشكله ماعندي نيه افكر واجد عقلي مقفله معه يكفيني كرف رمضان والمفرزنات :confused:

الله يعافيكم ساعدوني بصور عالاقل لان ماعندي نيه ابحث واتعب راسي على كثر مافيني مضغوطه بالحيل وزوجي راح يضغطني بزياده بيقول اختاري اي شي ومشينا ،،

الله يوفقنا وياكم يارب ويبلغنا رمضان وياكم بصحه وسلامه لافاقدين ولا مفقودين

اتمنى اقوم القى ردود وماينسحب علي ❤