لاتتكلمون عن ازواجكم وحياتكم في المنتدى شوفوا العين وش سوت

بنات انا كلي حزن
ونفسيتي تعببببببببببببت
توني قريت موضوعين ضيقوا بالي
موضوع الاخت ملكة قلبه الله يشفي زوجها ويعافيه
وموضوع البوح بالخافي

ذكر الله واجب يابنات اذا قريتوا موضوع حلو او شفتوا شئ يعجبكم قولوا ماشاء الله تبارك الله ماراح تخسركم شئ
وبعدين اقول للي يكتبون مواضيع خلاص يابنات لاتجيبون طاري حياتكم الخاصه الا اذا كان فيه عندكم مشكلة وتبون استشاره اما ذكر التفاصيل الحلوه احتفظي فيها لنفسك


انا اقول هالكلام خوفا على الكل والله يعلم
الي صار للملكة قلبه والبوح بالخافي صار لبنات واجد وشفنا اكثر من حالة

مانبي هالشئ يتكرر ونبي ندعي اكثر لخواتنا
ان الله يفرج كربهم ويشفي ازواجهم ويبعد عنهم العين والحسد

وفيه دعاء لتفريج الكرب ابي انزله في موضوع مستقل عشان الكل يستفيد منه

طلبتكم يابنات تدعون لهم






فيه نقطة نسيت اقولها
ان البنات اللي يتكلمون عن ازواجهم وعن حياتهم الخاصه يكسبون ذنوب بدون قصد منهم
لان في الكلام عن الحياة الزوجيه والليالي الرومنسيه انتي وبدون قصد منك تنسين انه في بنات لسى ماتزوجوا وتفتحين عيونهم على اشياء يمكن ماهم ملقين لها بال
اسألكم بالله فيه وحده فيكم تسولف مع اختها الصغيره عن لياليها الورديه؟
لا ما اظن لانك تخافين عليها انها تتشفق الزواج على قولتهم وممكن تنحرف وتدور على بديل يسمعها كلام حلو
او حتى تتحسر على حالها
والله يابنات انا اعترف لكم والله اني قبل ما انخطب كنت ازعل واتضايق من صديقاتي المتزوجات اذا سوالفوا قدامي وكنت اخاف بيني وبين نفسي اني اصيبهم بالعين بدون قصد مني لدرجة اني قاطعتهم فتره عشان ما احرجهم واحرج نفسي
وهالكلام مو معناة اني كنت احسدهم لا والله بالعكس بس لان الشيطان شاطر ويجري مجرى الدم كنت اخاف عليهم من كثر ما احبهم حتى من نفسي

يا خواتي البنات للي للحين ماجاء نصيبهم اتمنى تذكرون الله وياخواتي المتزوجات اتمنى تحتفظون بحياتكم الخاصه عشان سعادتكم

واخواننا المصريين قالوها من زماااااااااااااااااااااااااااااان
(داري على شمعتك تقيد)


ولاتنسون خواتكم من الدعاء