سلام عليكم
انا طبعا مشتركه هنا بس هذا معرفي الثاني
بقولكم قصتي ويشهد علي ربي اني صادقه وبقولها علشان يستفيدوا البنات المقبلات على الزواج وحتى المتزوجات
انا خطبني ولد عمي طبعا وانا مابيه وابوي بعد مايبيه لأنه مو كفوو بس ابوي وامي خجلانين من عمي يردوه وهما اصلا مو مقتنعين بس حالوا فيني اوافق وانا رافضه رافضه وانا حاسه انهم مو مقتنعين بس يقنعوا انفسهم اخواني مو موافقين بس بعضهم بعد فتره وافقوا وانا 4 شهور يقنعوا فيني اخر شي استسلمت للأمر الواقع وافقت بس عشان افتك من زنهم وافقت لأني حطيت براسي الطلاق من اول شهر بس عشان اهلي يرتاحون قلت لهم موافقه علشانكم مو لاني ابيه قالوا لا لاتوافقيت علشانا قلت ماأبيه اجل قالوا لا عمك بيزعل وحنا أهل حيروني اخر شي وافقت وانا اتمنى يصير شي وتخرب هالسالفه لو اقولكم من دعواتي الملكه تأجلت سنتين مرا يموت احد من القرايب زمرا مدري شصار اخر شي حددو موعد الملكه طبعا جا لو اقولكم تمنيت الموت ولا يلمسني طبعا انتهت الملكه بعدها طلب يكلمني وانا اكرهه وهو طبعا ماعرفت مشاعره من ناحيتي احسه مو مبالي كنه يبي زواج وبس مع انه يوم الملكه انبهر من شكلي
تخيلوا لمى كلمني كان يقولي ماتوقعتك حلوووووه كذا كنت اسمع انك حلوه بس ماصدقت :mad: كلامه استفزازي لأبعد شي انا اكرهه خلقه صرت ارد عليه الكلمه بعشره بقولكم عنه ضعيف شخصيه امه مشيته تقله يمين يمين شمال شمال ماله كلمه وعمي بعد مثله لو اقولكم لمى كنت اكلمه واجبر نفسي اني اكلمه بعد مكالمتي كنت اارجع من سخافته بس انه شايف نفسه فووق وانا تحت طبعا كل شي يقول تعرفينه اشياء تافهه الكل يعرفها يقول احسبك ماتعرفين ؟؟؟ وربي لو اقولكم كم شهر ملكه عمره مازارني باليت طبعا هوا بمدينه ثانيه هو يقول ابي اجيك بس عندي شغل طلع امه مانعته عشان مايجيب لي هدايا انا كارهته بس الله يسامحكم ياأهلي هم مايدرون عن سوالفه هاذي كلها لو اقولكم انه مرا ارسلي 10 ريال شحن ذلني فيها :44: تخليوا يابنات الواحد لمى يكلم خطيبته يخطط لبيت المستقبل ولليلة العمر هوا من قبل العرس بأربع شهور محتار عند اي صالون يكشخ وكم ثوب يبي يفصل وعن عطوراته :mad: اكبر همه كشخته وانا عمره ماقلي شتبين وتمر اعياد حتى مايجي ولا هديه اصلن مابي شي ابي الفكه بس بس انا ساكته عنه تخيلوااااا كان يقولي اهلك لو تزوجتي ماتزورينهم لو يبونكم هم يجونك ابوك ماله دخل فيك قلت من اللي زوجك غغير ابوي وماسمح لك تتكلم عنه لو اقولكم صرت معاه كلامي مرا قوي مع اني ماكنت كذا والله وربي اشياء كثيره لو اقولها لكم يبيلها كتاب وطبعا زعل ليش اهلي طلبوا لي بيت خاص فيني اهله يبوا يحطوني بالمحلق عند الشغاله غرفه وحده واهلي رفضوا عشان كذا امه مقهوره ماتبي ولده يطلع برا كان يقولي ليش شايفه نفسك عالملحق وربي انا ساكنه بيت اهلي كبير ومعززه ومكرمه اخرتها بيحطوني بالسطح غرفه بالسطح:icon33: ......... والله ني كل ليله ابكي بكى وربي النوم ماصرت انام شكلي تغير كنت بيضاء كل اللي شافوني يقولون انتي مريضه صرت سمرا من الهم والسهر والبكى ولحد يدري عني حتى اخواتي ماكنت اقولهم انا طبعي كتووووومه تخيلواااا مرا قلت بدور اي مشكله وانا عارفه انه مايحب سيره فيها فلوس اوكي يهني نفسه عادي بس غيره لاااا قلت ابي مبلغ كذا كذا ارتبك تخيلوا قلي كلمي امي ؟؟؟؟؟؟؟؟:44: قلت انا متزوجتك مو متزوجه امك تخيلواااا قطع اتصلاته في لمدة اسبوعين وانا عارفه انه من راس امه رجع بعدها يتصل فيني يقول كنت مريض هو كذاب يتهرب وانا بعدها كرهته مليون صرت انا اللي مارد عليه لين ماكلم امي قال ماترد علي انا قلت لأمي لو اموت مااكلمه وانا ابي اطلق :44: لو استمر را تجيني جلطه والله انهرت تمنيت الموت ولا يكون زوجي وامي مكتمه عالموضوع ماتبي ابوي يدري قالت مايصير مابقى شي عالعرس وانتي مدلعه وكل ليوم لك راي قلت لها انا من البدايه ماابيه وانتوا اجبرتوني وتحملوا مايجيكم والله لو ما طلقني لأنتحر وانا جاده بكلامي ولسوي شي:44: تندمون عليه والله يابنات صرت بحاله مايعلم فيها غير ربي طبعا فترة الملكه كنت استغفر بنية انه تتفركش الزواجه ذي
تحملت سخافته واخلاقه وكلامه مع انه كان يقول كلام رومنسي كنت ابعد الجوال عني اغلب لمى يسولف ابعد الجوال مقدر اسمع
اخر شي امي استشارت اخواني وكلموني قالوا كيف ومايصير حددو العرس وزعوا الكروت قلت اوكي بتزوجه بس بعد شهر بطلق قالواااا لا من البدايه افضل وكلمني الوالد وقلت له عن كل سوالفه وقال ابشري انا ضغط عليك وانا اتحمل وهاذا مايستاهلك يابنات ماتوقعت ابوي يتقبل الموضوع بهدوء كنت خايفه منه لو اقلكم كلم عمي وقاله البنت تبي ورقتها
والزوج مافكر حتى يجي يتفاهم ابوه يتكلم عنه حتى ابوه راح المحكمه يبي يطلق قال له الشيخ لازم يجي الزوج طبعا رجعت له المهرر وطبوا الهدايا حتى 10 ريال الشحن قال ابيها اخواني قالوا لو يبي ميه بس ينقلع
طبعا تطلقت ولله الحمد هو بعد طلاقي بأسبوع تملك على وحده يبي يقهرني بس ماهمني فرقاه عيد تخيلوا يابنات خطب وحده مو حلووووووووووووه امه زوجته
بس عرفت انه متحسف علي
وانا بعدها بشهرين خطبني واحد وربي احسن منه مليون مراااااا والان عندي منه بنت ولله الحمد
تعبت وانا اكتب بس بختصر يابنات لا تجاملوا على حساب حياتكم اهلكم بيزعلوا يوم يومين ومصيرهم يرضون واهم شي الاستخاره والحمدلله ربي عوضني بزوجي صار يقولي ولد عمك اعمى
ولا تنسوا الاستغفار
كنت اتمنى ارد عليكم وحده وحده بس مشاركات ماتسمح باكثر من ثلاث ردود باليوم
واشكر كل وحده دعت لي والله يرزقكم يارب ويحقق كل اللي تتمنواااا يارب ويرزقك اللي ماتزوجوا ويرزق المتزوجات الذريه الصالحه ويسخرلكم ازواجكم يارب
وأنا طبعا مع زوجي الحالي لابد من المشاكل اللي لايخلوا منها كل بيت لانها ملح الحياه ............
قصة اوجاعي @ks_aogaaay
عضوة جديدة
يلزم عليك تسجيل الدخول أولًا لكتابة تعليق.
روز الجوري
•
قصه راااااائعه والحمدلله ان ربي خلصك والله يخليك لزوجك وبنتك يارب
قصه راااااائعه والحمدلله ان ربي خلصك والله يخليك لزوجك وبنتك ياربقصه راااااائعه والحمدلله ان ربي خلصك والله يخليك لزوجك وبنتك يارب
امين ويحفظ لك غاليك يارب ولااحد يمر باللي مريته يارب
الحمد الله وربي قصة روعه الله يرزقك كل خير وتصير بنتك ذخر لك ولابوهاالحمد الله وربي قصة روعه الله يرزقك كل خير وتصير بنتك ذخر لك ولابوها
تسلمين
,ويرزقك يارب الذريه الصالحه
,ويرزقك يارب الذريه الصالحه
الصفحة الأخيرة