حوراء2006 :

كلفانيتور - Kelvinator - عشرة كيلو تجي طابقين فوق بعض ....تأكدي ان غسالتها فيها عامود في النص (هذي نصيحة الناس يوم جينا نشتري غساله .. قالوا لنا اللي فيها عامود في النص تنظف الملاابس واللي بدون ماتنظف ابد ) سعرها في حدود 5000 ريال سعودي هذي صور منقوله من مواقع اخرى للتوضيح ) صورةتوضح لك المقصود (غساله ونشافه طابقين ) الغساله تحت والنشافه الحرارية فوق هذي صوره توضح لك اش المقصود بــ غساله فيها عامود في النص لمعلوماتك تحتاج تستبيك ماء حار وبارد ... احسبي حساب صرفها للكهرباء ..واذا كانت تشكل ضغط على الكهربا ولا لا.. واذا كانت تشتغل لوحدها او مع اجهزه ثانيه ( زي مثلا الفرن والغساله هذي ماتشتغل في وقت واحد اذا هي في المطبخ مع بعض مثلا ) طبعا هذا الشيء يقرره الكهربائي ومايحصل الا نادرا احسبي حساب كم الماء اللي تستهلكه تحتاج انبوب كبير يتركب في الغساله لتصريف الحراره تبع النشافه الى الخارج تحتاج مكان مناسب بعيد الثلاجه وعن مصادر الحراره الاخرى تحتاج تسبيك لتصريف الماء اهم شي احسبي حساب طولها وعرضها اذا كان مناسب اولا بالنسبه لابواب البيت وحتى المكان اللي بتحطيها فيه .. لان اقاربنا لمن اشتروها ماقدروا يدخلونها البيت لضيق الابواب ..ماحسبوا حسابها.. وعلى فكره ... تحتاج صابون معين .. متوفر في كل مكان مثل برسيل وهذا احسن نوع في اعتقادي ..بس انتبهي لنقطة اذا هو مخصص للغسالات اللي تعبئتها من الاعلى او من الامام ... لان هذي يناسبها الصابون اللي تعبئته من الاعلى ... لان الصابون الغلط يسدها ويخربها لك .. وفيه مكان مخصص لوضع اللينور في فتحه جانبيه مو مع بعض تحطي الصابون والملطف .. ولاتنسين تقرأين الارشادات لمن تشتريها .. وفيه شيء مهم اشتري من مكان معروف وموثوق وعليه ضمان وتاكدي من البلد المصنع ... ماني قادره افتكر من فين اشترينها ولا بلد التصنيع لاني من زمان اشتريتها بس هذا اللي حبيت افيدك به .. والله يكتب لنا الاجر

كلفانيتور - Kelvinator - عشرة كيلو تجي طابقين فوق بعض ....تأكدي ان غسالتها فيها عامود في...