لاتخلين الطفش يدخل عليك من خلال افكارتس

ايوه وبعدين شاهدت الفيديو ^_^

ايش الخطوه الثانية :biggrin:

لما نجي نتكلم عن نظافه البيت نرتب افكارنا اول :
البيت ماعمره كان كنيس ارضيات وغسيل ملابس ومواعين وبس..
لا ياعيوني :هو غسيل مواعين وغسيل ملابس وكنيس ارضيات وتمسيح سيراميك وتمسيح وتنظيف الجدران وترتيب وقت واهتمام في شكلك انت وزوجك وعيالك واذا كنت مش متزوجه اهتمي في شكلك انت واهلك اللي ساكنين معك ولا تقولين اهتم لمين :44:؟
اهتمي لك ولهم
مايكفي نظافة بيت وشكلك يجيب الغم (ماكنك زودتيها :huh:)
المهم شفنا البنت اللي بالفيديو كيف بيتها يجيب الشلل الرعاشي من وساختها الله يكفينا الشر وبسرعه زي الجنيه نظفته صار ودك تعيشين فيه خخخخخ
النظافه مش حاجه صعبه لكن يبيلها استمرار ومتابعه اول شي نبتدي فيه الافطار اشربي حليب واكلي معه شي ثاني لكن خلي في افطارك سر تختصين فيه انت ومن تحبين بالاول (بدون زعل )شوفي نفسك من ناحيه الصحه اذا انت من اللي عندهم -لا سمح الله - حساسيه انف شديده وتعاطسين وينزل من انفك افرازات وممكن لا سمح الله يجيك رعاف خذي على فطورك حبه سوداء فيها شفاء بامر الله ..
النبي وش يقول عنها؟؟((ان هذه الحبه السوداء شفاء من كل داء الا السام ))..
واذا مثلا كنت من النوع اللي ينسى بشكل كبير خذي حبوب اللقاح تقويلك ذاكرتك وتساعدك ان تتذكرين وش اللي اشتغلتي عليه واللي باقي وهيك
المهم اذا تقدرين حطي لك في الفطور سر ..
لا تطولين على الفطور تاخذين ساعه وقرقر لا ياحبيبتي المواعين والبيت ينادي , اذا خلصتي من الفطور اول شي ابيتدي فيه المطبخ وانتبهي للوقت اذا قرب الظهر نقعي لحمك والا دجاجك واذا اذن ركبي الغداء , خلصتي من شغل المطبخ روحي للحمامات -اعزك الله - وغسليهم ولمي الملابس الغير نظيفه وغسليهم وبعد كذا روحي لباقي البيت ورتبيه وحددي اسبوع في الشهر تنظفين فيه الجدران كل يوم تستلمين جدران غرفه معينه ..
طبعا في حاجه ربات البيوت يهملوها وهي العنايه بالنفس حطي في بالك اذا اذن الظهر وركبتي غداك روحي غسلي اسنانك بالفرشاه والمعجون وغسلي بشرتك بالغسول , بمعنى غلط تنتظرين قرب وقت رجوعك زوجك (اهتمامك لنفسك اولا ثم لزوجك)

جزاك الله كل خير علی هالنصايح اللي تخط بماء الذهب..

لكن اللي بتشغل الفديو تكتم الصوت اذا اشتغلت الموسيقی

جزاك الله كل الخير

خلي في البيت اثنين اصدقاء لك الاول اسمه كلوركس والثاني ديتول ..
حطي في بالك اهم ركن في البيت هو المطبخ بمعنى هو اللي خمس مرات في اليوم تشيكين عليه الصباح والظهر والعصر والمغرب والعشاء تشوفي في شي يبي له غسل اغسليه ..
بالنسبه للجدران احذري ثم احذري ثم احذري تركبين السلم عشانه , تجنبا لحوادث السقوط , طيب كيف ننظفه؟؟
اخذي مكنسة اليد الطويله اللي نغسل فيها الحوش وحطي عليها منشفه خاصه بالجدران والسيراميك وابدي مسحي عادي , لازم تنتبهين لنقطه جدا مهمه وهي .
لازم تكون عندك مكنستين طوال وحده للحمامات خاصه يعني والثانيه للحوش كل وحده فيهن خاصه بمكان واحد بس ..
كمان اذا مشخال المطبخ بلاستيك معناه انك المفروض يوميا تغسلينه بكلوركس وتغسلين كذلك حوض غسيل المواعين كمان بكلوركس بشكل يومي .
حددي لك كوب معين يكون مخصص لمنقوع اللبان بمعنى ان الكوب تحطين فيه لبان وتحطين فيه ماء الشرب درجة حرارته عاديه ونقعيه وبعد شوي تحركين بالملعقه اذا تغير لونه اشربيه , فائدة المشروب هذا انه يقوي الذاكره خاصه بعض السيدات من كثر المسؤليات تنسى فهذا المشروب مفيد بس تكون الكميه كوب واحد يوميا لا تكثرون عشان مايجيلكم امساك .
وانت تشتغلين لا تسكتين , قولي اناشيد بصوت مسموع عشان تطير عنك الملل , واصلا تجنبي كلمه انا ملانه او زهقانه ..
الجدران خصصي لها الديتول وكمان لارضيات الحمام تدرون ليه؟؟
عشان الديتول منظف سريع للجدران وللارضيات الحمام كذلك تمنع التزحلق في الحمام اذا نظف الارضيه عدل , بعكس التايد مهما نظفتي الارضيه تظل تزحلق لما يجيها ماء فارض الحمام اكتفوا دائما بالديتول وبعده نظفوا الارض بالماء..
بعد الغداء يبقى رز حطيه في السطح ييبس ثم انثريه في الارض تاكله الطيور وكذلك باقي الحم او الدجاج حطوه جمب القمامه اللي في الشارع تاكلها القطط ..
ولما تجي تغسلي الملابس ابدائي بملابس الوالدين ثم بعدها ملابسك وهكذا ..
نصيحه استمتعي وانت تشتغلين غني لما تغني راح تنسين كل الافكار السلبيه ..
لاتنسين كل يوم ارمي الزباله خارج البيت , لان تجميع الزباله لمده يومين او ثلاثه معناه انك تجمعين الروائح الكريهه في البيت وبكذا تجي الشياطين الله يكفينا الشر ..