لاتخلي الفرصة هذي تروح عليك ......نداء لكل العاطلات المستقدمات منهم والمستأخرات

يا الله انك تحييهم يا الله تفضلوا تفضلوا
العلم سلامتكم محدثتكم عاطله عشرسنوات والحاديه عشر في الطريق إلا ان يشاء ربي شيئا....المهم لاتطلعون لين اخلص كلامي ...حبيت اقدم لكم خلاصة تجربتي في هذي السنين...(وابغى اشوف تجاربكم كمان) ضروري عشان نستفيد. للاسف .
اكتب لكم والله والشيب يملا راسي واناوالله في اشد الندم على كل لحظه ضاعت منها في انتظارالمجهول...كم تمنيت والله إني حفظت القرآن...كم تمنيت إني حافظت على الضحى ,الاشراق ،قيام الليل،ذكرالله، ختم القرآن كل شهرعلى الاقل،قرأة تفسير،حديث لوكلمه كل يوم كان خلصت ،اعلم ان فيكم من هي كذلك اوافضل،
كم تمنيت لورسمت لي اهداف ساميه تقربني من الله ترك الغيبه الخصام اشياء كثيره سلبيه فيني ماغيرتها ،بلعكس احس اني اكتسبت اشياء اسوا، عشرسنوات مرت كأنها يوم اقول لنفسي هذا واحنا في الدنيا كيف باشوفها في الاخره طرفة عين؟يمكن
خلوني اعلمكم بوضعي الان والتغيرات الجديده الوظيفه ماعادت تهمني بقد ماضيعت عمري في انتظارها... الصداقات الي كانت شيء مقدس في حياتي انتهت من زمان وصارت ذكرى تافهه في حياتي.كم جاملت فيها غيبه كلام فاضي في ليالي فاضله لوصليت اوسكت كان اصرف لي
الخلاصه:العاطلات الجدد ارسموا اهدافكم صح(اقصد للاخره)ولاتنس نصيبك من الدنيا بس لاتتقطعون في طلب الدنيا مابتاخذين الا الي الله كاتبه ....والديناصورات الي مثلي نبغى لنا وقفه صادقه نتدارك بها انفسنا .
وتعالوا ندعي لبعض في ظهر الغيب ان الله يهدينا صراطه المستقيم ويجعلنا من عباده المخلصين ويردنا إليه بالنعم والعافيه ويبعد عنا كل بلاء وباس .آميييييين والحمدلله رب العالمين وصلى الله على نبينا محمد وآله وصحبه أجمعييين
وشكرا على الانصات