لاتدعو على المراهقين ادعو لهم

السلام عليكم ورحمة الله وبركاته

للاسف لاحظت كثير من الردود اذا جات وحدة تحكي عن موقف الله العالم هي كيف شافته او من وجهة نظرها كيف شافته ومن نفسيتها اذا كانت غيرانة اذا طفشانة او حتى اذا كانت انسانة طبيعية لكن شافت المنظر في سوق او غيره واتفاجات بيه تجي تفتح موضوع على موقف يمكن كلنا بيمر علينا واحيانا كتيرة يكون عادي لانه الاشياء الشاذة في المجتمع مهما كترت يبقى الصالح اكتر وانا ما باقول انه مافي فساد لكن من واجبنا الدعاء لهم بالهداية والهداية فقط
اغلب الاسر مشتتة مطلقة عندها مشاكل الزمن اتغير الانفتاح زاد الاهل مهمتهم صعبة مو سهلة واي وحدة عندها مراهقين عارفة الشي دا المراهق سن صعب التحكم فيه سن تتحول شخصية الطفل لرجل او امراة واعتقد اغلبنا مر فيها بازمات كتيرة كلها مرحلة هرمونات شي في الطب النفسي معروف انه سن صعب مو من حقنا ندعي عليهم في منهم اتربو بدون اباء او امهات ايتام في منهم اهلهم مطلقين خافو الله فيهم اي وحدة عندها اليوم اطفال بكرة يكبرو وتشوف كيف التعامل معاهم مو سهل مهما كانت تربيتها صحيحة لازم يكون في اختلافات في الاجيال
الله يهديهم واللي مو عاجبينها اليوم بكرة سبحان الله ينقلب حالهم ويكونو من افضل الناس وربنا الهادي
مافي داعي كل ماسار موقف في مكان تجي تفتحي موضوع ماله داعي ترى كلنا بنخرج ونشوف والمواضيع ما منها فايدة الدعوات منها فايدة

وجهة نظري واعتقد كثيرات يوافقوني عليها