لاتذكرت ان شغالتي بتروح تجيني الصيحة ؟؟

طيب خلوها ترجع مره ثانيه
تروح فترة وترجع

ملكة حاولت فيها لكن عيت قالت انها خلاص بتستقر بديرتها ..

والله ياختي انا شغالتي مثل شغالتك ماشفت منها شر وشغيله وطيبه مع بنتي وباقيلها شهر وتروح بس انا عكسك لما اتذكر انها بتروح انبسط واستانس
واعد الايام الي باقيلها الله يساعدهم ونشوفهم بالجنه ان شاء الله جيتهم لنا هم ومسؤليه غير الواحد ماياخذ راحته في بيته فلمحتاج الله يعينه
ابسالك اذا جت تروح بتفتشينها حتى لو ماكنتي فاقده شي وشلون الطريقه
طولت عليك وسويت محاظره

العفوية حبيبتي انا مااقصد اني متضايقة من روحتها عشان الشغل لا والله بالعكس حتى انا ناويه اجلس العطلة بدون شغالة لاني مااحتاجها الا وقت الدراسة بس عشان انا اشتغل واحط عيالي عند خالتي و خالتي كبيره ومابتستحمل اطفال لحالها وماعندها شغالة عشان كذا احط عيالي مع شغالتهم عندها ..
انا متضايقة عشان هي بتروح وخلاص مابترجع وتعودنا على وجودها بالبيت ..وهي مو مضايقتني بالبيت عشان نظام بيتي الحمد لله مريح يعني غرفتها والمطبخ منفصلين عن الصالة وغرفنا وهي مؤدبة لاشافت زوجي ماتمر من عنده أبد ولاتدخل الصالة .. وغير كذا انا ماصرت اتبحبح باللبس زي اول عشان ولدي عمره 5 سنوات تقريبا وبادي يفهم ..
وبخصوص التفتيش احس هذا شي أساسي وانا بحاول اصرفها تروح لخالتي وافتش شنطتها واما بخصوص تفتيشها شخصيا بصراحة هي تستحي مرة واحس صعب افتشها بتوكل على الله واحرص على اذكاري والله يحمينا ان شاء الله ..

ياما جوا وراحوا ... فقدنا اغلى منهم من اخوان واخوات يسافرون ويتغربون

عنا بالسنوات ..وسعي صدرك وان شاء الله يجيك ابرك منها .