لاتردوني بدعي لكل وحده تدخل وتعطيني حل

صباااح الخيرات بنااااااااااات والله مدري من وين ابدا قصتي قصه ومادري هل هذا هو القسم الصحيح او لا الموهيم السنه اللي فاتت سافرناوصمنا رمضان فالجنوب وقبل العيد بثلاثه ايااام جاااني الم فالليل ورحت صحيت ابوي قلت له ابغى المستشفى وانا جالسه ماقدرت اوقف على رجولي:icon33: عاد ابوي مات من الخوف حسيت انه في عيونه الف سؤال وسؤال وشالني للسياه عشان الحوش كبييير وماقدرت امشي الموهيم رحت للمستشفى وقالو زايده ولازم نسوي لها عمليه وانا هدى شوي بطني بعدين جاني الدكتور وكنسلو العمليه قعد يقول للدكتور الثاني هذا مو شكل وحده عندها زايده انتو باي حق تدخلوتها ملف العمليات والفحوصات ماطلعت المهم تنومت عندهم الين قبل العيد بيوم وانا احس اني تنومت عالفاضي يعني ماسو لي شي ولا عطوني علجات ماغير ذبحوني بالابر مع انه خاااص وطلعت ليله العيد والالم يشتد وعيدنا اول يوم وابوي قال نمشي ثاني يوم الصبح وسافرنا فعلا الرياض ومنها عشان المدارس ورحت المستشفى العسكري ثالث يوم وياليتني تحملت ومارحت له فحص علي الاول قال لازم اشاعه بعدين حولوني لدكتور ثاني انا خلاص معاد فيني قلت اكيد انه مرض يخوف وان السالفه كبيره
واجلس اصيح عند ابوي ويهديني ودخل علينا الدكتور وليته مادخل انا ماكانت علي طرحتي رجعت عليها الله يكرمكم وشعري مفكوك على كتفي وشافني وانا اصيح وانا يابنات يوم شفت نضرات الدكتووور لي جلست اصيح اكثر واكثر حسيتها نضرات شفقه وكشف على بطني وحسيت يده مثل البلسم لاتقلون قليله ادب هذي انا قاعده اشكي لكم المهم وسالني اساله وتكلم مع:arb: ابوي برا وطلع ابوي عالمغرب وراح هو وامي زواج ولد عمتي ولازم يحضرونه والدكتور بعد ماطلع ابوي صار يتردد علي كل شوي وبدون نيرس ويدخل ولا يتكلم حسيت بشعور غريب بعد ماطلع جلست افكر في كل كلمه يقولها لي انتي والله قمر ماتستاهلين اللي صارلك وانا بكون معاك ****الله الين تخلصينلاتخافين وبنقلك غرفه خاصه يعني حسيت تصرفاته غريبه مو تصرفات مريضه ودكتور ومن بعدها بدت تتعب نفسيتي وبديت افكر بجد فيه وفي كلامه وصرت اتمنى اني اطول فالمستشفى عشان اشوفه احس اذا شفته يابنات يدق قلبي اكثر واكثر واتلعثم ولا اقدر اقول شي من كثر الخجل انا يابنات حلوه ماامدح نفسي بس هذا الصدق وايوم الثاني دقيت على بنت خالتي خليتها تجيب لي طرحه ويوم جا الليل بعد ماطلع ابوي جا عندي وقالي هاه وش فيك لابسه طرحه صرتي تستحين مني افاااا عاد انا يوم قاله تنرفزت وانرفع ضغطي وقالي لازم تسوين اشعه مقطعيه احسه متقصد ينتضر ابوي يروح المهم وكان معاي يوم ان النيرس توديني بالعربيه ويوم وصلنا للغرفه هو اللي دخلني للاشاعه وكان ينتضرني وهو اللي رجعني وان يابنات بمووت من الخوف يوم وصلت الغرفه قال تطمني ****لله سليمه احس انك خايفه قلت له لالا عادي مافيني شي قلت له وانا معصبه ويوم طلع تحسفت على اسلوبي حسيت اني كنت جافه معه المهم فكرت وفكرت يابنات اكتشفت اني احبه ودايم افكر فيه وجا عندي الصبح اليوم الثاني قال بحولك على على دكتو ر النسا عشان عندك تكيس بسيط مررره حتى مايبغاله حبوب تطمني حسيت انه يخاف على مشاعري واشوفه كل يوم يسال الدكتورعني طول الاسبوع ويجي عندي يسلم علي وسلامات ومادري ايش اوقات اقول لقااافهوش يبغى ذا واوقات يزيد اعجابي فيه طلعت بالسلامه وبديت افكر اكثر واكثر وبدت الدراسه وانا افكر فيه وتدهور مستواي الدراسي وطول السنه كنت اكذب على اهلي بالمرض عشان اروح المستشفى واشوفه المشكله اني مااعرف اسمه بس اعرف عائلته مادري وش اللي فيني حتى اذاكنت ابكي اتخيل انه يشوفني ويجي يهديني تجيني تخيلات كثيره وغريبه لو اقولها لكم بيشيب شعر روسكم وكل يوم افكر فيه ساعدوني وش اسوي احسه لوشافني مره ثانيه بيتقدم لي ادري بتضحكون علي وبتقلون لي مراهقه بس وللله مالي غيركم اشكي له الحين بطلع ثالث ثانوي وانا ماشفته شوفولي حل معاه لاتقلون انسيه ماقدرت حاولت حتى الحين صار هدفي واملي فالحياه اني ادخل طب وهي كانت اكره مهنه عندي وصرت اموت فالستشفيات واعشقها وعلى فكره انا البنت الوحيده ومالي غيركم تساعدوني وبليييز ارجوكم بدون ردود تجريح واللي ماعندها رد ترفع موضوعي الله يرفع قدركم بالجنه:44::(:(