http://forum.hawaaworld.com/showthread.php?t=1304742
حلى التبن
(الاسم ما يفتح الشهيه)
المقادير ::
بسكوت ( اولكر او هلال )
علبة قشطه
فنجال شاهي سكر
نص فنجال زيت
3 ملاعق حليب بودره
3 ملاعق شوكلاته بودره
نستله
شعيريه باكستانيه
ندحدر على الطريقه …
1 - نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..
2 - ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..
3 - نغمس البسكوت بالخلطه اللي سويناها قبل
ونسويه ثلاث طبقات زي كذا ..
طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل
عن ساعه عشان تجمد الشكولاته وتتماسك …
4 - نكسر الشعيريه الباكستانيه كسر صغيره مرره ونحمسها ع النار لحد ماتتشقر..
5 - نطلع البسكوت من الفريزر ونغمسه بالنستله وبعدين يقلب بالشعيريه
نجي عاد لطريقة التقديم
نقصص من خيشة الرز او خيشة القهوه حبال زي اللي با لصوره لانه راح نستخدمهم بربط مربعات الحلى..
( ماننسى اذا قصيناهم نغسلهم )
ناخذ الحبال ونربط فيهم المربعات ويطلع عندنا الشكل التالي :
ربطناهم وخلصنا نجيب صينية التقديم ونحط عليها ورق الحلى وندهنها بشوية نس تله ونحط عليها سميد ..
نجـــــــــــي عاد للشكل النهائي
ان شاء الله يكون عجبكم ومنقووووول لعيونكم ياحلوين
تسلم ايدينك