السلام عليكم ورحمة الله وبركاته ......
كيفكم بنات؟؟إن شاء الله تمام ..
بالبدايه يابنات من منا لاتريد مجاورة النبي صلى الله عليه وسلم ولو بابسط الاشياء قال عليه الصلاة والسلام
أنا وكافل اليتيم في الجنة هكذا . وأشار بالسبابة والوسطى ،
وفي رواية اخرى وفرج بينهما شيئا
فحبيت يابنات اقترح اقتراح عليكم وبإذن الله يكون فيه تفاعل الله لايخيب ظني
الاقتراح هو ::
1)أني اروح الجمعيه الخيريه واخذ منهم كفالة يتيم واجيب لكم كل الاجراءات وصورت اليتيم ورقم حسابه وكل شي يخصه واصور لكم طبعا كل شي من الاوراق والاجراءات عشان تتأكدون وانزل الصور هنا
2)طبعا المبلغ حق الكفاله (1200)فنسوي مجموعه وكل مجموعه تتكون من 12 عضوه وكل عضوه عليها تدفع حق شهر واحد اللي هو (100)ريال فقط واللي تبغى تزيد على راحتها
وكل هذا بالاتفاق طبعا نسجل اسماء ال(12) العضوات اللي بالمجموعه الاولى ..واسم العضوات اللي بالمجموعه الثانيه ويكون اتفاق كل عضوه تختار شهر واحد تدفع فيه
فكروا فيها تكفلين يتيم بمبلغ غير مكلف وغير شاق علينا ومع ذلك نحصل على اجر عظيم بإذن الله ومع هذا ستتمتعين بجوار النبي عليه افضل الصلاة والسلام
مهما كانت وظيفتك
ومهما كان راتبك
فبكل تاكيد هذا المبلغ بسيط جدا مقارنه بما تبذره هنا وهناك
فكري جيدا اختي الكريمه
هل تشتري قرب النبي عليه الصلاة والسلام بـ (100)الى(1200)ريال في السنه ؟؟
اذا لم تستطعين فقومي بنشر الموضوع حتى تستفيد وتكون كافلا ليتيم دون ان تدفع
تنبيه انا ماراح اخذ منكم المبلغ ولا راح تحولونها لي نهائي اللي تبغى اعطيها رقم الجمعيه وتاخذ رقم الحساب بنفسها تبع اليتيم اللي راح نختاره
او انزل لها صورة اليتيمه مع رقم حسابها اللي اخذها من الجمعيه واوريكم الختم وكل شي وانتوا تحولون مباشره على رقم حساب اليتيم
اللي تبغى ترد هنا على نفس الموضوع وبإذن كل ماوافقت 12 عضوه نزلت لكم كفالة يتيم ونقسم الدفعيات بيننا بين ونتعاون بإذن الله ومايكون هناك اي صعوبه ...
وربي يابنات ماقلت لكم هذا الاقتراح الا عشانهم يقطعون قلبي خصوصا الاطفال يحزنون وربي لما تكلمونهم طبعا الجمعيه تعطيك رقم اللي تكفلينه عشان اذا تبغين تكلمينه فلما تكلمونهم ماتتخيليون كيف فرحتهم بها المبلغ البسيط
يارب يعجبكم الاقتراح ومايخيب ظني فيكم يارب
ويجزاكم ربي الف خير
عرش الانوثه @aarsh_alanothh_2
محررة ماسية
يلزم عليك تسجيل الدخول أولًا لكتابة تعليق.
رش رش2009
•
انا معك ... ان شاء الله
الله يجزاك خير ويجعل هذا الموضوع في موازيين حسناتك كيف يتم الدفع !!الله يجزاك خير ويجعل هذا الموضوع في موازيين حسناتك كيف يتم الدفع !!
الله يرضى عليك انا لما اخذ من الجمعيه الكفاله هم راح يعطونك رقم حساب المكفول(اليتيم)
وانا راح اصور لك الورقه مباشره وارسل رقم الحساب عالخاص وطبعا اثبت لك بالصوره وختم الجمعيه وكل شي انتي اللي عليك بس تحولين 100 ريال او حسب ماتبغين لرقم الحساب اللي راح ارسله لك ..
طبعا لما نسوي مجموعه كل وحده تختار تدفع بشهر معين عشان يتم تحويل الحساب بانتظام ..اتمنى اني قدرتافيدك ولو حابه تستفسرين عن شي ثاني قولي
وانا راح اصور لك الورقه مباشره وارسل رقم الحساب عالخاص وطبعا اثبت لك بالصوره وختم الجمعيه وكل شي انتي اللي عليك بس تحولين 100 ريال او حسب ماتبغين لرقم الحساب اللي راح ارسله لك ..
طبعا لما نسوي مجموعه كل وحده تختار تدفع بشهر معين عشان يتم تحويل الحساب بانتظام ..اتمنى اني قدرتافيدك ولو حابه تستفسرين عن شي ثاني قولي
الصفحة الأخيرة