مــــــــــــساء الخـــــــــــــير كيفـــكم حبيت اشـــــــــاركم بقصيده انا اعتبرها مرثيه في أبوي الله يرحمه وللأمانه مو لي انا ناقلتها من منتدى ثاااااني
اتركم مع القصيده ************
قلت آه يا المعبود يارب رحماك
يا خالق خلقك من النار والطين
يا ربي ما قدرت نقبل من رضاك
نرضى بمقسومك على الحكم راضين
ونيت من علم لفاني بفرقاك
يا ابوي موتك قسم القلب قسمين
يا حسرتي يا ضيقتي صحت أبنخاك
وجريت عالي الصوت بين المعزين
يضيق صدري يوم أذكر سواياك
والقلب طاهر يا ابوي على الدين
ما مرة يا ابوي غيرت ممشاك
لا ولاتمشي دروب الرديين
لا جاك محتاج ضحك له محياك
تعطي الفقير وتحتفي بالمساكين
أنا أشهد إنا بالمراجل عرفناك
صايم مصلي مع جموع المصلين
تذرف دموعي يابوي بلياك
حزن المفارق وسط دم الشرايين
شفتك مسجى فوق نعشك بلا حراك
والقلب ذاب بداخلي وأحرق العين
قمت أتصبر واتأمل حلاياك
وأقول بالجنه ودار الشهدين
الله يرحمنا إذا إنا تبعناك
صرنا بقبر وراحواالأهل مقفين
الله يصبرني أنا كيف أبنساك
ياكيف أنسى وحنا بعدك يتيمين
عيااااالك وأمهم يطلبون رضاك
ويدعون لك في جنة الخلد آمين
الله يصلحهم على طيب ذكراك
من بعد عينك جعلهم لك داعين
وأقول للي تنثر الدمع تنعاك
تصبري يا يمه لا تصيحين
والخاتمة يا ربي يا ربي رجواك
والله يرحم من توفى وآمين
صلاة ربي عد محد نساك
وأعداد ما تدعي جموع الملبين
الغلا كله انتي @alghla_klh_anty
عضوة جديدة
يلزم عليك تسجيل الدخول أولًا لكتابة تعليق.
أختي (الغلا كله إنتي) الله يعظم أجركم في الوالد.. ويـرزقـه فسيـح جنـــاتــه .. الله الله بـالـدعـــــــاء لـــه.. ودمتي في رعاية الله وحفظه.. ودي,,,أختي (الغلا كله إنتي) الله يعظم أجركم في الوالد.. ويـرزقـه فسيـح جنـــاتــه .. الله الله...
اشكرك اختي متفائله والله يحفظ لك كل غالي
الصفحة الأخيرة
الله يعظم أجركم في الوالد..
ويـرزقـه فسيـح جنـــاتــه ..
الله الله بـالـدعـــــــاء لـــه..
ودمتي في رعاية الله وحفظه..
ودي,,,