لاتفوتكم أصابع القرفة والسكر كأنها جااااااهزه

السلام عليكم ورحمة الله وبركاته

أخباركم ياأحلى بنوتات عندي لكم نوع من أنواع الحلى الذيذه أتمنى ماتكون مكرره

تجيبين طرايق من نوع لوزينا أوسويتز وتقسمينها ثلاث أقسام بالعرض يعني يكون عندك ثلاث مربعات تمام

بعدين تجيبين قرفه مطحووونه وسكر مطحون وتخلطينهم مع بعض وتحطين ملعقة صغيره منها على قطعة الطرايق وانتبهي لازم تحطينها من الزاويه وتلفينها لين ماتاصلين لنهاية الزاويه اللي مقابلتها وخلاص على كذا بعد ماتخلصين الأصابع تحطينهم في الملعقه الكبيره اللي للقلي يعني تصفينهم في الملعقة وتنزلينهم على الزيت للقلي بس انتبهي لا ترمينهم في الزيت لأن بكذا بتطلع الحشوه في الزيت انتي خليهم في الملعقة لين مايتحمرون شوي وبعدين طلعيهم.
بعد ماتبرد شوي جيبي حليب نستله وقسميه قسمين قسم زي ماهو أبيض والقسم الثاني حطي عليه شوي كاكاو وبعدين صفي الأصابع بصحن التقديم وضعي عليه الحليب على شكل خطوط يعني خط أبيض وخط كاكاو صدقيني بيطلع شكله جنان كأنه الأصابع اللي تجي جاهزة محشيه كاكاو بس هذي أروع وأحسن طعم

أتمنى تكونون فهمتوا علي وأعذروني اذا كانت مكرره


ردو علي حتى ولو ماعجبتكم بس لاتطنشوني