عزيزاتي احكي لكم قصتي مع هذا المستشفى الي له سمعته بالدمام مستشفى المأساه
اختصر الحكايه انا لي والد اسبوع وعندما اتذكر الولاده في هذا المستشفى كأنه كابوس المهم رحت الاسبوع الماضي لهم وقالو لي ولاده وانفتح الرحم 3 سم وقالت الدكتوره للممرضه بالانجليزي حضري تحميله للطلق الصناعي ولكن الممرضه قالت لها لايحتاج ولكن الدكتوره اصرت وانا سألت الدكتوره ولكنها قالت انها تسرع الولاده
بعد ساعه حسيت بطلق وقالت الممرضه ندخلك غرفة الولاده لانه انفتح 4 سم الى الحين حلو( ملاحظه انا عندي ثلاث اولاد الله يحفظهم وهذا الرابع )
وهنا تبدأ الحكايه دخلت غرفة الولاده السرير غير مرتب ويوجد اثار دم من الوالد الي قبلي غرفة الولاده غير نظيفه وغير مرتبه شيء يسد النفس والله والزر الي تضغطين وتجيك الممرضه بعيد عشان ماتزعجينهم
جلست في الغرفه تقريبا نصف ساعه ولا احد عندي ( زين الجوال معاي في الشنطه واتصلت على زوجي يجي لان ولااحد عندي )جاء زوجي وقلت له يساندني اذا اشتد الام مع انه مو عادته يدخل غرفة الولاده في ولاداتي الي قبل بس رحمني ماعندي احد وفي ولادتي الي قبل تكون في ممرضه معي الى ان اولد
المهم اشتد التعب ودق زوجي عليهم ودخلت الممرضه بكل عصبيه ( ايس فيه )الاخت هنديه قال زوجي تعبانه رمت مخدر خفيف علي وقالت ( سمي ) اي شمي وراحت وجلس زوجي معاي تقريب الساعه واقف ولااحد معنا واشتد الام معاي ودق الجرس زوجي وتأتي ممرضه وتفحص وتقول انفتح 3 سم :eek:
كيف ؟ وقبل ماادخل قالوا 4 سم وراحت
:angry2:وذهب زوجي عندهم وصرخ عليهم ان ممرضه تجي عندي وكل شوي يقولون طيب ( ولا تقولون ليش زوجك مااشتكى في نفس اللحظه لان مافي احد حوله ويتعذرون انه يوم الخميس والكل في اجازه )
وجلست اتألم واصرخ ولا يوجد عندي الا زوجي بعد ساعه دخلت ممرضه اخرى واخذت تفحصني وتحرك يدها الا ان الدنيا ظلمت علي من شدة الام وبعدها عملت لي قسطرة بول (الله يكرمكم) وثم ذهبت
وبعد ساعه جأت دكتوره سودانيه وفحصتني وانا اتألم بشده وقالت لي بعصبيه دون ان تهديني انفتح 6سم بس وانتي عامله هذا الصراخ وذهبت هي والممرضات الي معاها ( ملاحظه طلعت زوجي الدكتوره بس من شدت التعب مادريت )
وجلست لوحدي اصرخ واناديهم بالعربي والانجليزي ولا احد يسمع واتألم ويشتد التعب ويشتد وان في السرير ممده وفجأه من شدة الام ظلمت الدنيا علي وانا اناديهم وبعدها.......................... خرج البيبي ولااحد عندي وبالصدفه دخلت ممرضه وشافتني ونادت الدكتوره وقصت الحبل السري والحمدلله البيبي لم يتأثر وانا اقول لهم حرام عليكم ولدت ولااحد عندي وبدل ماتعتذر الدكتوره ترد بعصبيه نعمل ايه اليوم عندنا شغل واجد وضغط في العمل :30:
وانتهت الحكايه صحيح الحمد الله على سلامتي لكن لو ولدت في البيت اصرف كان معاي قابله طول وقتي الى ان اولد
اريد الحل الحين ايش اسوي عشان اشتكي حتى لاتتكرر مع احد اخر والله اني مااقول الى الصحيح وولادتي السابقه كانت في المواساه بس كان في اهتمام ولكن الان يسوده الفوضى وعدم الاهتمام
والله المستعان على مايصفون والحمد لله رب العالمين :(
( ملاحظه على حساب ارامكو )