ويالييييييييييت يكون موضوعي بها القسم مو تشوتينه...تكفين لاتشوتينه....
اخواتي مالكم بالطويله..
سمعت قصيده من شاعر اسمه متعب التركي هذا الشاعر التزم من زمااااان ....
المهم انه كان يسمع ان طاش ماطاش يسبون الملتزمين ويتطنزون عليهم وعلى رجال الهيئه وكتب قصيده تجنن...
هذي القصيده:
طاش السهم ياللي تقولون ما طاش
.في مجتمع دينه علامة فلاحه
على انتقاد اهل اللحى صابه اخراش
.واستخدم الاعلام للحرب ساحة
واليا انتقدهم شيخ قام الف خفاش
.سوت لنا بعض الجرايد مناحه
نفهم سبب هجمة هل الكفر الاوباش
.ونجهل دوافع هالعمل وانفتاحه
سؤال ما يحتاج تقويس وفلاش
.من يقدر يجاوب عليه بصراحه
سنة محمد تنتقد بيننا كاش
.في حجة إنه الدين يسر وسماحة
والدين ماهو عرضة لراي ونقاش
.إلا من اللي فيه علم ورجاحه
باكر يجي كاتب ولاعب ونقاش
.يجيز للناس الربا والنياحه
شعورنا بالغيظ طاغي وجياش
.مما نرى ما عاد نشعر براحة
خذا بنقد الدين مسري وغباش
.وعلى رجال الحسبة اعلن كفاحه
يوضع خطاهم بين مجهر ومنقاش
ويعرض على الشاشه بسخف وبجاحه
ما يكرهم الهيئة سوى واحد غاش
.تخيفه الهيئة وتكبح جماحه
يكرهم مشعوذ ومفسد وحشاش
.ويحبهم هالمجتمع من صلاحه
حرس الفضيلة بس ما يحمل كلاش
والمؤمن الحق النصيحه سلاحه
ياسيدي سلمان الضاحك الباش
يا من تهابه في غضبه ومزاحه
يا من تضيق بخصمه الارض لا هاش
رمح الرياض ان كان عدو رماحه
سلمان هو طب القلوب اللي غشاش
لا كابرت والغيظ هبت رياحه
لو انه اعزل وانت في يدك رشاش
تخاف منه وتستظل بجناحه
ياسيدي حنا على الفزغة عطاش
هذا الورم محتاج منك لجراحه
اليا متى نكتم غضبنا بها لجاش
والسخرية بالدين صارت مباحة
حنا حلمنا حيل لكن على ماش
الحلم زاد الخطب هذا فداحه
لو غلفوا هالحقد واخفوه بقماش
من يستره والله يريد افتضاحه
حرية المراة شعارات ببلاش
والا الهدف نشر العري والاباحة
اذا نسانا غادرن حضن الاعشاش
كل احتمالات التفكك متاحه
ياسيدي المجتمع كله انداش
دينه وعاداته غدت مستباحه
هذا البلد تاريخه ابيض من الشاش
ارض الرسول وعمر وابن رواحه
معقل اهل السنة من الطاش للطاش
ماهي بلاد الرهبنة والسياحة
شعب بحكم الله تحت ظلكم عاش
جمعتوا اطرافه وطابت جراحه
لحافة التوحيد والسنة فراش
الدين تاجه والعوايد وشاحه
والمجتمع لا صارت اسواره هشاش
يسهل حتى على الجراد اكتساحه
لا يعتذر لو يعتذر طاش ما طاش
بعض الخطأ عذره يزيده قباحه
هذا الرابطhttp://www.mutir.com/vbvv/showthread.php?t=110665
الشاعر\ متعب التركي
بس مكانه المنتدى العام>>>>>>>>>> احس اني بأتسطر قليلا