لاتقرب هالمطلقه

..............................

موضوع جدا رائع ومعك باللي تقولينه وأحسن كلمة تقال في الرجل وطليقته

ما وفق الله بينهم , لأنه فعلا هذا السبب وياما بنات سنعات ومطلقات وياما بنات رفلات

وعايشات مستورات مع أزواجهن , والله يوفق كل مسلم ومسلمة لما فيه خيره في الدنيا والاخرة

اما بالنسب لسؤالك الاول : ما أحب أخوض في هالمواضيع ولو سمعت خبر طلاق لأي سبب يضيق

صدري عليهم وأحزن لمصابهم

والسؤال الثاني جوابه ( ولو اني عارفة انكم غير مؤيدين له الا اني بقول الصراحة اللي عندي ) :

اذا كان المطلق متقدم لأختي أو بنتي بشوف أخلاقه أذا زينة نوافق عليه لو كانت بنتنا بكر

أما ولدنا لو كان يبيها ثانية فصاعدا ما عندنا مانع أذا أخلاقها زينة أما إذا كان زواجه الأول فأنا أبيله

بنية جديدة على الزواج مثله أحسن وهذا مجرد رأيي

أسأل الله إنه لا يدع أيما إلا زوجها الزوج الصالح المقتدر اللي يسعدها ويعينها على دينها ودنياها

آمين يا رب العالمين

ام حبايبها
مرورك شرف لمتصفحي

للاسف مجتمعنا صعب يتغير من ناحية العادات والتقاليد السيئه والاراء الناقصه بحق بعضنا البعض المطلقه مثلها مثل اي وحده ثانيه

جربت الزواج وماتفقت مع طليقها وانتهى اللي بينهم وكل واحد راح لحاله يغني الله كل من سعته

واي وحده ترى مهما كانت عايشه مرتاحه مع زوجها ممكن تتعرض للطلاق والقصص كثير فلا نستاثم وننظر لها نظره سوداويه ونحملها نتيجة الطلاق وهو ممكن مو منها وياكثر اللي تطلقوا ظلم

لان ماعاد فيه رجال يحملون المسؤليه الحين الا من رحم ربي

مو معنى انها تطلقت انها ماعاد تصلح للزواج بالعكس هي بتكون اكثر وحده بتتمسك بالتجربه الاخرى بحكم انها جربت وصار عندها حكمه وخبره اكثر ومرت عليها مشاكل

الحين بقناة بدايه يتكلمون عن المطلقات وانهن مايستحقن الطلاق ونظرة المجتمع لهن ياليت تشوفونها

جهلآآء