لاتقولون الدنيا تغيرت ولكن قولوا الناس تغيروا .....

السلام عليكم ورحمة الله وبركاته...
وحشتوني وحشتوني وحشتوني
^^^^^^^^^^^^^^^^^^^
هذه المستخدمه استخفت ههههههه

المهم 
ايش اللي صاير في الناس ياجماعه ليش متغيرين لاعاد احد طايق الثاني ولاعاد بيت يجمعهم ولالقمه تكفيهم ولاحد يملى عيونهم 
والله احكي ياجماعه( من واقع تجربه ) ترون الجمله متعوب عليها
كانت عندنا مناسبه وبنحضرها وكانت احدى قريباتي بتحضر معايه قابلتها قبل المناسبه بثلاث ايام هرج وضحك وفله ووناسه 
ويوم قابلتها في تازواج هي وبناتها كأنها ماتعرفني شاطحه بعيد ولاتبي تطالع بوحهي ماده بوزها مترين خير ان شاء الله ايش حصل قلت يمكن ذاك الوقت مو رايقه 
بعد ساعه قابلتها فوق الكوشه نفس الوجه المكفهر
وبعدها قابلتها على العشاء تبرق وترعد في وجهها وانا ماغير اطالع في وجهها مثل المسبهه ماني عارفه ايش فيه طلعت من الفرح خاطري ضيق وطفشانه ولاانا طايقه احد
ويشاء الله واقابلها بعدها ولا يوم هيه حاسه بغلطها وتتقرب وتستظرف ايش شغل الحرباء كل يوم بلون والمشكله تصفى ومعاها بناتها وتغضب ومعاها بناتها وعلى لاشي كذا هوى وغندره 
والله اني صرت مااحاول احتك بها كثير لانه طبعها كذا دايم ولعلمكم حتى اهل زوجي نفس الحكايه مرات ادخل الاقيهم ظراف ومرات تقولين عفريت راكبهم وكثير من الناس اللي اعرفهم وعلى قول الامام الشافعي 
نعيب زماننا والعيب فينا
ومالزماننا عيب سوانا
ونهجو ذا الزمان بغير ذنب 
ولونطق الزمان لنا هجانا
وليس الذئب يأكل لحم ذئب
ولو نطق للزمان لنا هجانا

وسلامتكم
سألت الطير تقدر توصل سلامي للغالين 
قال ماودك اجيب لك غداء معايه



مدري حتى الطير متغير برضه هههههههههه