عذبتني الحياه عذبتني الهموم
ودمعتي اتعبت عيوني من كثر البكا@
بكتب من قلبي والله ان الدنيا ماتسوى بدون الاهل بدون العزوه
لاتجين تقولين امي وابوي واخوي واختي سوو فيني ترا الاهل مهما كانوا قاسين هم احسن من ان نكون بدونهم
اجلسي وتخيلي ماعندك اهل بس تخيلي بتجلسين في حاله حزن وضيقة صدر كيف اذا صار صدق
والله كنت مثلكم اول يمه اتركيني يمه ابي كذا يمه تكفين وازن عليها وامي طيبه ملتزمه وكانت تأمرني بأوامر في الدين وانا اتهاون اقول بعدين تدرون اني حزنت الحين الف مره تمنيت اني اسمع كلامها واخليها تشوف بنتها وهي تصلي في وقتها وانا اذكر الله عشان ارضي الله اولا ثم امي الله يرحمها
امي انساانه رائعه بس انا استغليت الطيبه صحيح اني باره بها لكني في بعض الاحيان اتذمر واعترف ايه والله
وابوي اه يابوي كان نعم الاب والله انسان رائع هو امام مسجد والله كان حتى واحنا كبار يكافأنا إذا حفظنا شيء من القرآن ولا شي من الأحاديث وكان يوعدنا بأي شي نبيه ماكان يحرمنا وحفظنا القرآن بسبب هالشيء
احس اني كنت اثقل عليه بالطلبات لانه مايرفض لنا طلب يعني المفروض والله مانثقل عليهم
مثلا في العمل ماندق كل شوي جب وجب لا نخليه في عمله واذا جاء من العمل وقام من النوم نطلب لان والله توني انتبه لهالنقطه
واختي اه يااختي والله ان الاخت نعمه مايحس بها الا اللي فقدها واقسم بالله ان الاخت نعمه نعمه كبيره
حسيت بفراغ بجفوه كبيره لما راااحت لان الاخت هي لك اخت وصديقه وكل شي
اختي كنت انا وياها بغرفه وحده وسوالف ونروح مع بعض ونجي هي اكبر مني بسنتين مايخلو من المشادات
لكن يازين هواشنا والله
لاحد يجي اختي قالت لي واختي ضايقتني بكلمه ترا الاخوات طبيعي يصير بينهم مشاكل بس لازم نتغاضى لان الاخت قلبها كبير وتحب اختها حتى لو صار اللي صار راح يجي اي وقت تلقينها تبتسم لك وتعتذر وتتقرب منك
الله الله باأخواتكم
واخواني الثلاثه والله اني ببكي الم ثنين اكبر مني وواحد اصغر مني
بس الاخوان عزوتك في الحياة بعد الاب والام والله كانوا طيبين ياالله مادري وش اكتب بس كانوا اخواني بارين بابوي وامي كثير خاصه الكبير ولايرفض لامي وابوي طلب الله يرحمه لو كان في استراحه مع اصدقاءه يجي مايتذمر
ويلبي الطلبات بكل حب
حتى لو تعير عليه اخوي اللي اصغر منه مايقول شي اخوي هذا احسن واحد فينا ماابالغ من تصرفاته اللي اذكرها احس كأنه يحس انه بيموت في شبابه واعماله تشهد له ان شاء الله
الاخوان يونسونك بسوالفهم يسهرون معاك في المناسبات تحسين بطعم الحياة معهم
واخوي الصغير كلما تذكرت ضحكته وسوالفه الحلوه وصياحه اه بس ياعمري ياخوي الله يجعلك شفيع لامي وابوي
اللي فقدهم بعد ماتعود عليهم فيس هذي الحياة يتعب ويزداد همه لكن الشكوى لله
وش اقول وش اخلي الاهل هم كل شي كل شي في هالحياة اذا راحوا راحت الحياة معهم
احتسبوا الاجر في تحسين معاملتكم لهم لاتقولون ضايقوني امي اتعبتني بأوامرها لاتتضجرين والله ان الام والاب نعمه وهم سبب السعاده ويكفي اذا سمعتي دعواتهم توصل لقلبك وتريجك من هالهموم في هالحياة
اطلبي رضاهم من رضا الله
ادعي الله دايم ان يحفظهم لك ويخليهم
اتمنى بس دعوه لو اسمعها عبر مسجل من صوت امي ولا ابوي الله يرحمهم تمنيت اني سجلت لهم
بس لو اعلم الغيب لاستكثرت من الخير
الحمد لله الحمد لله الحمد لله
دعواتكم في الغيب
ترى كلامي مو مرتب لاني جالسه اكتب مباشره يارب ارحم اهلي والمسلمين وارحمني اذا صرت ماصاروا اليه
اريجا @aryga_1
عضوة
يلزم عليك تسجيل الدخول أولًا لكتابة تعليق.
مونيلينا
•
لا حول ولا قوة الا بالله..عليك بالصبر يالغالية والدنيا كلها فاااانية .
صدقتي الاهل نعمة..لا يعرفها الا من فقدها.
صدقتي الاهل نعمة..لا يعرفها الا من فقدها.
الصفحة الأخيرة
صحيح الاهل هم في هالدنيا المعينين بعد الله
الله يفرج همك