لاتنسوا اختكم في الله من دعائكم الصالح

حاسه ان نفسيتي سائت بعد الاجهاض :44: ولي الحين شهرين من اجهضت وكل يوم افتح مخطط الحمل والولاده واشوف نفسي لو ان اكتمل حملي هذا راح اكون الحين باي اسبوع .ومتى كانت حتكون ولادتي .
والله ضيقة صدر , اللهم لااعتراض على قضائك وحكمك لكن ابن ادم ضعيف خصوصا مثل هذي مواقف .
خصوصا ان اخت زوجي حملت بعدي بشهر ماشالله واقول لو < ولو ان لو من باب الشيطان لكن غصبا عني > انه اكتمل حملي كان حيكون بيننا شهر وحيكون فرق بينه وبين بنتي سنتين خصوصا ان حملي هذا جاء بعد علاج طويل ودعاء وصبر ولكن الحمدلله على كل حال كتب الله انه مايكتمل.
اليوم مدري ليش خانقتني العبره كني توني مجهضه ودي ابكي :06: ودي اشكي لكن مالي احد اشتكي له غيركم اخواتي , زوجي ماودي اوضح له اني كنت لهفانه على الحمل وامي ماتدري اني اتعالج وهي كمان مو ناقصه همووم كمان ازيدها همي؟؟؟؟؟؟؟؟؟؟؟؟؟؟؟
الشهر هذا استعملت دوفاستون بس عشان تنظيم الدوره من دون منشطات وباقي على دورتي اسبوعين الله يخليكم ادعولي انها ماتنزل من غير شر يارب ويكتب ربي اني احملوارتاح من هم العلاج والمنشطات و اجعلولي من دعائكم نصيبا:(.
وانتم كمان اخواتي الحوامل ادعوا لنا لحظة الطلق و الولاده ان ربي يرزق كل محروم ويرزقني يااااااارب.
اللهم اجعلني لا ارى الدوره اللا بعد 9 اشهر حمل من اسبوعين من الان يااارب
والله من جد كل ماافتح المنتدى واشوف تباشير الحمل من الاخوات انبسط :27: وارتاح واقول عقبال ماابشرهم انا كمان المره الجايه او بالاصح لمن تتاخر بعد اسبوعين يارب يعني احس انه فيه امل انا وباقي اخواتنا يارب ويرزق كل محروم يارب
اللهم ارزقنا بالذريه الصالحه يارب ولا تحرمنا من نعمتك علينا , اللهم قلت ادعوني استجب لكم دعائكم فدعوناك فلا تردنا خائبين يارب