لاتنسوني من دعائكم لي

وفيك رجلين تمشي وانفاس تطلع وتدخل بدون اجهزة ، فيك عيون تشوف وفيك اذان تسمع وفيك لسان يتكلم وفيك يدين جالسة تكتب لنا وعقل يفقه المكتوب .
فيك وفيك وفيك
خير عظيم عندك ولله لو تعدينه الى ماتموتين ماتخلصين..
قال تعالى (ولئن شكرتم لأزيدنكم)
شكر الله على عظيم النعم يخليها تزيد والصحة الضعيفة تصير قويه والمال القليل يصير كثير ولكن (وقليل من عبادي الشكور)
.
بالنسبة لفيتامين د وبي١٢
ترى يمكن مافيه واحد من البشر كاملين عنده ، انا الحين اخذ حبة فيتامين دال كل اسبوع واضرب ابر B12 والابرة حارة شوي .. والحمد لله والشكر لله ان يسر لنا هالعلاجات وجعل لنا فيها نفع نشكره على توفر العلاج بدال مانشكي النقص ..
.
جرثومة المعدة ياكثرنا اللي عندنا والحمد لله الامور تمام ومتعايشين ..
بالنسبة للبهاق ياخيتي هذا قدر والله ما ياخذ الا ويعطي ، اصابك بهاق لكن اعطاك عيون تشوف ويدين تكتب والاهم من هذا ان الله يجازي الشاكرين الصابرين بجزاء عظيم لهالسبب المؤمن دايم سعيد لأنه يتحرا من الله الثواب بالدنيا والاخرة ..
النقرس ولله اعرف كم شخص معهم وامورهم تمام بمجرد تنظيم برنامجهم الغذائي ..
قرحة الرحم والتكيسات امرهم سهل وعلاجهم موب معقد لكن انت اللي معقدة الدنيا براسك ، من هونها هانت ومن صعبها صعبت .. وتكبر في عين الصغير صغارها وتصغر في عين العظيم العظائم…
و( لقد خلقنا الانسان في كبد)
من أدرك انه الكبد محتوم لابن ادم يرضى بما أصابه من أقدار ، ترى اللي ذكرتيه كله سهل ويستحق الشكر انه مو اعظم..
فوحدي الله وصلي عالنبي واستغفري واكثري من الشكر وخليك مستبشرة متفاءلة ولا تكرهين شي فيك ترى مافيك الا الخير ، واسعي بالأسباب وباذن الله بتشوفين الخير والعافية والرزق وبيهبك الله الذرية الطيبة وتبشرينا ..
يلله افرحي وتفاءلي وبلاش سلبية

الله يشفيك شفاء تام لايغادر سقما ويشرح صدرك وييسر امرك ويحقق امانيك ويشفي زوجك ويسخره لك ويرزقكم الذرية الطيبة الصالحة المتعافية ويحفظ ولدك من كل سوء

لا تيأسي من رحمة الله هذا خيرة من ربنا وان شاءالله ربنا بيشفيك ويعافيك ويعافي ولدك و زوجك ويرزقك بالذرية الصالحة ويرزقنا الذرية الصالحة يارب

الله يشفيك ويعافيك ويقر عينك بما يسرك ويرزقك الذريه الصالحه ، فيتامين ب كان عندي نقص لمدة ٩ سنوات واخذت ابر ٥ اسابيع وتعافيت منه الحمدلله لا تيأسين

شكرا لكل من ردت علي
ربي يحقق امنياتكم يارب
ألف شكر لكل من رد علي