لاتهتمي لزوجك كتير وينفرمنك ويشوف نفسه عليك

في كثير هنا يقولو دللي زوجك وسوي وافعلي لكن انا بختصرلك وعن تجربه كنت لا صقه فيه علاطول وفالمقابل القى شر منه واقعد افكر ليش اسوي كده ويعاملني بقساوه وكل مالي كنت ازيد في تدليله وهو يزيد من شره لكن ها وصلت للي ابغاه وجبت راسه الحل طنشيه فتره وفتره الصقي فيه ووقت طناشك له  هو يجي يستغرب وبنفسه حيطلب منك كده انتي بتلعبي باعصابه اما تلصقي فيه دايم حينفر منك ويطفش ويدور غيرك ووقت ماتدلعيه دلعيه وجننيه سوي كل اللي بخاطرك من الى وبذات وقت النوم  جننيه لكن احذري لايكون يوميا فقط مثلا يومين ورا بعض او ثلاث وبعدها طنشيه صدقوني الطناش يجيب نتيجه وكيفية طناشك له انك مشغوله في نفسك في جوالك في اهتماماتك بنفسك مو مع العيال والبيت  انا شغل بيتي قد شعر راسي وطبعا مع العيال كمان لكن لمن يجي اقعد عالجوال واوقف الشغل احيانا بس مااحب اشتغل كثير وهو موجود وكمان علاحسب كل وحده في ازواج يحبو يشوفو زوجاتهم يشتغلو قدامهم وفي بعضهم لا فشوفي انتي زوجك ايش يحب مثلا تهتمي بالعيال قدامه او تنظفي البيت او يشوفك بالجوال ومايبربر او تقعدي تهرجي معاه او تشربي الشاي معاه انا مرات اتكلم معاه ومرات اكون ساكته اول كنت يوميا اتكلم وصار يقول مره كلامك كتيرهههه  فعرفت كيف اجيب راسه صرت لمن اقعد معاه اقعد ساكته وهو يبدا بالكلام والمواضيع اتمنى اني وصلت المعلومه لكم بووضوح سوي كل اللي بخاطركم بس بحدود وفترات عشان ما تطفشي ولا يطفش كده يشتاقلك ويشتاق لجلستك حتا لمن تكوني جالسه  معاه موشرط  انك لازم تتكلمي معاه خليك بين فتره وفتره في كل شي فتره الصقي وفتره ابعدي عنه في كل شي مثلا تكوني في البيت معاه بس ابعدي عن الكلام والمناقشات وانتي قاعده معاه يعني تكوني امامه جسد فقط مالك حس اما يوميا ودايم تهللي وهو داخل وهو خارج كده حيمل  وحتا انصحك كمان لاتساليه فين رايح ومن فين جيت لانه انا لمن اساله يقولي قاعدتلي عسكر فين رايح ومتا جي صرت فتره اطنشه يدخل ويخرج ولااساله لكن مااكدب عليكم اني اراقب وافتش جواله رايح مع مين اهم في خرجته مافي حرمه  هههه واكون وقتها عارفه هو فين رايح عن طريق جواله اشوف اخر مكالمه كلم مين  وهو يحسبني مني عارفه ولا اساله والنتيجه يجي   يقولي بنفسه  انا رايح مع فلان وفالمكان الفلاني واتعلمت شي مهم مررره اللي في قلبي شي والظاهر شي هدا مو نفاق كنت احسبه حرام  اول اكون مقهوره  لازم اطلع القعر اللي فيني واضارب معاه كتير دحين لمن اكون زعلانه ومتضايقه  ومقهوره وفيني البكي وشويه حنفجر ويجي يكلمني بس ابتسامه بسيطه واجامله بكلمتين يروح ولا ابينله اني مقهوره واقعد استغفر وادعي بيني وبين نفسي الا اهدا الحمدلله حتا ارجع واقول في نفسي بعدمااهدا لو وقتها اضاربت معاه وطولت لساني كنت اخسره واهدم بيتي بسبب  زلة لساني واقعد زعلانه منه بالاسابيع واقعد اندم ياليتني سكت ومابينت ولاطولت لساني ونفسيتي تدمر  لكن الزعل والمشاكل  من الشيطان  صدقوني هو يحس لمن يزعلك وتكوني ساكته يجي يكلمك بالعاني يبغا يشوف ردة فعلك ادا قعدتي ساكته ومابينتي له انك انقهرتي حتلاحظي بعده يشتريلك  ويخرجك عشان يرضيك من غير مايحسسك ترى هما يكابرو ومايحبو يبينو عشان لاتنهز كرامتهم واصحك تقوليله عشان قهرتني وزعلتني بتخرجني  استغبي قد ماتقدري هما يبغالهم كده عشان يعطونا اللي نبغاه واخر مره اقولك لاتلصقي فيه ولا تبينله نقطة ضعفك اي شي يقولك قولي طيب لاتقهريه حتا ازا هو قاهرك لانهم يمرو في ظروف مايقولو الغلط وقت عصبيته تطلبيه وتناقشيه خلي مناقشاتك معاه في اوقات مناسبه عشان كمن تستفيدي اما هو قهران وانتي قهرانه حتصير مضاربه وعناد وكل مين بيطلع حرته للتاني انتي قاعده في بيتك مو عشان تتحديه انا الحمدلله اتعلمت من اخطائي بعدمعاناه ومشاكل وكان عقلي صغير ولمن كنت ابغا شي الا ابغاه في وقته وادا ماجا اقلبه حرب واطلع انا الخسرانه بلا فائده  اما دحين اكتم غيضي مع نفسي واظهرله بللابتسامه وانا فيني البكى لكن ماابينله قهري  ...اتمنى انكم استفدتو