لاجمل وانعم انثى( للعروس والمتزوجة) جدول زمنى بوصفات لكل المشاكل وحلولها شعر وبشرة

الى كل اخت مقبلة زى حالاتى على الجواز :icon28: عندها مشاكل بالكوم ومحتاسة ومش عارفة تعمل ايه؟
انا بعون من الله عملت عملية بحث شاملة فى كتب تجميل ومنتديات كتير بس اكثرهم من منتدى حواء الرائع وبناته العسليات :27: وقلت طيب ماعمل زى بحث وتجميع لاكثر الوصفات المجربة واعمل برنامج امشى عليه الشوية الى فاضلين واعمل حالة قصوى من الطوارئ علشان نتستر فى الفرح والاخ مايتسرعش من الى مستخبى وما ادراكم من الى مستخبى :icon33: سواد مناطق حساسة وركبة وكوع وعرق وشعر متساقط وبقع سوادء واثار حبوب وحاجة هنا خالص فقلت اعمل حاجة تنفعنى من الخلطات الطبيعية 100% ليا ولصديقاتى بس انا محتاجة تشجيع منكم ودعوات كتيييييييييييييييير قوىوعلى حد قول الشيخ الفاضل محمد متولى الشعراوى انك لازم تفرح للنعمة فى يد غيرك حتى لو انحرمت منها علشان ربنا يراضيك ويديك زيها وكمان ماتبخلش على حد بنعمة ربنا اديهالك علشان ربنا يكرمك وانا والله تعبت فى التجميع من هنا وهناك والاختراع كمان واحب اقولكم ان 80% من الوصفات دى انا جربتها على نفسى
طولت عليكم بس انا باعمل عملية تسخين علشان اشجع نفسى لان الكتابة هاتبقى كتيييييييييييييييييييييييير بس ماتنسوش الدعوات لان دعوة الاخ لاخيه عن ظهر غيب مجابة
والان سنبدا
مستعدييييييييييييييين: :angry:
اولا : الشعر:
مرتين اسبوعيا ( عشان الشعر يلحق يستفيد) وهاتان وصفتان مجربتان واحدة فى نصف الاسبوع والاخرى فى اخره
1- معلقة عسل + بيضة + معلقتين زيت خروع + معلقتين زيت زيتون + معلقتين زبادى
نصف ساعة على الشعر ثم بعدها يشطف جيدا ويدهن بكريم تصفيف
2- معلقتين زيت زيتون + معلقتين عسل + معلقتين جلسرين + معلقتين خل يخلط ويترك ليوين قبل الاستخدام ثم نصف ساعة على الشعر ثم يغسل
من الممكن الاستعانة بالشامبوهات الطبيعية اثناء الغسيل بدل الشامبوهات الكيماوية لان الطبيعى مفيد واحنا مش ناقصين
هاتقولولى طيب ايه وصفات الشامبوهات هاقولكم تفضلوا معى الان نتعرف على بعض انواع الشامبوهات المنزليه :
1- معلقتين خل + معلقتين ماء ورد + بيضتين 15 ق على الشعر ثم يغسل بماء ثم يشطف بماء ورد
2- ثلاث ملاعق مريمية + لتر ماء مغلى + 6 ملاعق صابون مبشور دوف او نابلسى او غار + بيضتين يغلى الماء ويوضع به المريمية ويغطى 20ق على النار الهادئة ثم يصفى ويضاف الصابون على النار مع التقليب حتى يذوب الصابون ثم يرفع وعندما يبرد تماما ضعى بيضتين مع التقليب ثم يعبا فى زجاجة ويستعمل بع 24 ساعة وترج الزجاجة بعد الاستعمال ويمكن اضافة خل تفاح لماء الشطف بنسبة 1:9 واحد خل وتسعة ماء
3- معلقة جلسرين + 12 معلقة صابون مبشور+16 معلقة ماء + 4ملاعق بابونج + معلقتين ليمون يضاف الجلسرين للصابون فى الماء ويغلى باقى الماء مع البابونج وتترك ساعة ثم يصفى المنقوع ويضاف للجلسرين والصابون ويقلب جيدا ثم يضاف الليمون ويخلط جيدا ثو يوضع 10 ق على الشعر ويشطف بخل التفاح والماء بنسبة 9:1
4- 4ملاعق نعناع جاف + لتر ونصف ماء + لتر خل + 4 ملاعق بابونج مغلى ومنقوع ومصفى يغلى النعناع ويصفى بعد تركه ينقع ساعة ثم يضاف الخل للنعناع والبابونج ويعبا ويترك يومين ثم يشطف به الشعر وبعده يشطف بماء عادى
ندخل على الجسم:
وده بقى يوميا ونبدا بالركب:
نخلط زيت زيتون + ليمون ويدلك به الجلد جيدا ثم يترك نصف ساعة ثم يفرك بليمون وملح وسكر ويوضع بعد الشطف زيت لوز مر ودى تنفع برضو للخطوط البيضاء والكوع
توحيد لون البشرة :
خميرة بيرة + ماء ورد + ليمون يترك على الجسم ساعة ثم يغسل بملح وليمون ثم يدهن باللوز والزيتون قبل النوم ويؤخذ الحمام صباحا بصابون جسم ناعم هاتقولولى طيب عاوزين صابون هاقولكم دى طريقة عمل صابون بالبيت لو ماستخدمتيش الغار او دوف او نابلسى:
معلقة ونصف عسل ابيض + معلقة زيت زيتون +9 ملاعق صابون مبشور يسخن الصابون علىنار هادئة ويضاف له الزيتون تدريجيا نقطة نقطة ثم العسل مع استمرار التقليب حتى يصبح متماسك ثم يرفع من على النار ويصب فى وعاء وعندما يجف يستعمل
المناطق الحساسة:
يا اما وصفة صابون الغار وه عبارة عن : صابونة غار مبشورة منقوعة ليوم فى كاس ماء ورد ثم تخلط مع كاس صغير زيت زيتون وكاس زيت لوز مر وكاس جليسرين وعلبتين جليسوليد الاحمر صغيرين وتخلط بالخلاط ثم تستخدم
يا اما معلقتين زيت لوز مر + ليمونة + معلقتين زيت زيتون + معلقة ماء ورد ونصف معلقة جليسرين
وماننساش متابعتها بالنظافة سواء بنزع الشعر باى وسيلة تريحك او بالتطهير الشهرى بعد البريود ( الدورة) باى غسول مطهر منقوع فى كمية ماء
وبعد نزع الشعر ابقى حطى ترمس مغلى ومنقوع ومصفى او زيت زيتون بليمون او السعد براحتك بس علشان يخف شوية
وماننساش للعرق بعد الاستحمام خلطة الشبة وهى عبارة عن شبة + زيت عطرى مفضل بالنسبالك حوالى 3 جرام مثلا بس يديلك ريحة العطر المفضل لكى وانا استخدم (هوت كاتيور ) وممكن تحطى مستكة ومسك كمان المهم تعملى منهم بودرة وتحطيها بعد الاستحمام صباحا
اقدامك ماتتنسيش مرتين بس بالاسبوع علشان الكسل تنقعيهم فى بابونج او نعناع او ملح حتى المهم تنعشيهم وممكن بعدها تفركيهم بالحجر
اه كنت هانسى اظافرك ادهنيهم بزيت الخروع بالليل قبل النوم ماشى وقطنة خل تفاح لآثار الحبوب يوميا برضو
اخيرا البشرة الوجه والرقبة :
دول بقى 3 مرات فى الاسبوع علشان وجهك يرتاح وتختارى كل مرة من الاسبوع ماسك شكل لكن فيه حاجات برضو يومية الى هى الكريمات المرطبة وقبل ماتسالينى عن الكريمات هاقولك عندى برضو وصفات كريم بشرة بيتى معتبر :
1- ليمونتين + معلقتين جلسرين + معلقتين زيت لوز مر + مسك مطحون يسلق الليمون ويطحن ثم يضاف له باقى المقادير
2- 8ملاعق زيت زيتون + بيضة + معلقة خل تفاح + معلقة سكر يضرب الخل بالبيض والسكر ويضاف الزيت تدريجيا ويمكن وضع زيت لوز مر ايضا ثم يصنع الكريم وممكن صفار البيض فقط
نرجع للماسكات : وماتنسيش حمام البخار 3 مرات بالاسبوع قبل الماسك ثم التقشير بالسكر ووجهك مبلل وكل مرة نوعى فى الماسكات علشان بشرتك تستفيد( الوجه والعنق ) دا غير التدليك الى حاولى تسلى نفسك بيه وانتى قاعدة بيفيد برضو والان مع الماسكات:
1- خميرة بيرة + ماء ورد
2- معلقة نيدو بودرة + معلقة عسل + بياض بيض + معلقة ماء ورد + نشا
3- 4ملاعق دقيق + معلقتين عسل + معلقتين لبن + ليمونة + معلقة زيت زيتون او لوز مر + ماء ورد
4- معلقتين عسل + معلقتين زبادى + معلقتين ترمس مطحون
5- معلقتين حلبة مطحونة + معلقتين زبادى + معلقة ماء ورد او ليمون
6- بيضة + زيت زيتون + ليمونة + عسل
7- نصف جزرة مهروسة ومسلوقة + نصف معلقة عسل
8- بياض بيضة + ليمونة + معلقتين ماء ورد + معلقة ونصف ماء اكسجين للبشرة مش الشعر
9- عصير برتقالة + 4 ملاعق عسل
10- بطاطس مسلوقة + حليب
11- خميرة + عسل + زبادى
وماننساش الاسنان بمعجون كويس مرة ليلا ومرة نهارا وممكن تستخدمى خلطة التبييض ليها : قطعة خبز محروقة ومدقوقة رماد + معلقة عسل
كمان ماتنسيش رموشك ليلا بزيت الخروع حيث تضعى فرشة ماسكرا قديمة عندك فى الزيت وتضعيه على الرموش ليلا
انا عارفة انها عملية مرهقة :( يا بنات بس مهمة للى عاوزة تتجوز وتكون احلى عروسة :icon28: وللمتزوجة الى عاوزة تحافظ على جمالها وطبعا الاستمرارية افضل ولو قصرتى يوم او يومين ماتياسيش او تهملى ارجعى تانى وكملى انا ناوية البدء الجاد من اول رمضان ان شاء الله علشان نؤيد بالدعاء عسى من الله الاستجابة وهو عز وجل عند حسن ظن العبد به
كل الى عليكى تنزلى تجيبى المواد الخام ومعظمها بسيط ومتوافر وتبدئى الوجه والرقبة 3 مرات اسبوعيا الشعر مرتين الجسم يوميا وتابعونى بالنتيجة والدعاء وللمساعدة
اهم الخامات :
(عسل – زيت لوز مر – زيت زيتون – جليسرين – ماء ورد – ترمس مطحون – شبة – خل تفاح – عسل اسود – حبة البركة المطحونة )

والباقى فى البيت بقى السكر والملح والليمون والبيض والدقيق و كده يعنى انا بس عملتلك حصر لاهم الى هاتجيبيه من العطار واخيرا ماتنسيش تاخدى معلقة حبة البركة المطحونة مع معلقة عسل اسود صباحا على الريق واللبن ماتنسيهوش والغذاء السليم والنوم والراحة النفسية وقاومى وصممى ولو لمدة شهر لما هاتلاقى نتيجة هاتنفتح نفسك وتكملى لوحدك 0
يعنى انا اجتهدت واتمنى من الله انه يحتسبهولى فى ميزان حسناتى ويفيد بيه البنات كلهم
وماتنسوش الدعوة من القلب لاختكم على فكرة هم مش كتير انتى بتختارى بالنسبة ليكى الى يناسبك بس كلهم حلوين وجربين وطبيعيين ونتئجهم تحفة عموما
ومستنية الردود :27: