لاجيران ولااهل

بالبدايه اول زواجي عشت بمنطقه بسيطه لكن تعرفت على جيران ينحطو عالجرح يبرى ماذكر بيوم ان مليت مع ان كانت اشبه بالقريه بس الناس فله جمعات وسهرات الوحده تسوي حتى عشاها ةتعطيك منه اذا زوجي استلم تقعد معي لاخر الليل الجيران نتجمع عالسطح سوالف وبسطه....نقلت لمدينه بحكم علاج ولدي الكبير من قبل مااجي وامي تدق تقول جيبي عفشك وضحت لي ان لااجيهم البيت مع العلم ان زوجي ماتم نقله ....نقلت المدينه استاجرت شقه قعدت 6شهور مااشوف اهلي وخواتي الا بالاسبوع مره مع العلم عندي ولدي الكبير التعبان وطفل ثاني فقط عشت بوحده الله العالم فيها زوجي يجي أسبوع واسبوعين يرجع لدوامه....اهلي ماعمر مر يوم قالو تعالي غيري جو نامي عندنا عالاقل يوم او تقهوي وتعشي يوم بالاسبوع أسلوب رسمي ماحسيت انهم اهل الجيران انا ساكنه بعماره كلهم من جنسيات مختلفه مافي سعوديين وزوجي رافض لان مختلطين جمعاتهم رجال وحريم فصار يتخوف .......زوجي نقل بعد سنه الحمدلله لكن احس نفسي عندي نقص الاهل اهلي رسميين حتى لازارهم احد مايقولو لي واذا اختي الصغيره تبي تقولي امي تمنعها بحجه عيالي مع انهم والله ضعاف او يمكن عشان عندي طفل احتياج خاص صرت اشوف الناس مع بناتهم وابكي وصرت اكره حتى بيتهم لان ماوقفو معي حتى بأول زواجي وابي اكمل دراستي عندهم رفضو وضاع مستقبلي عشانهم....صرت اكرههم وابي احد يعوضني بالناس اللي فقدتهم صرت لحالي مع زوجي نطلع مع بعض او نقعد مع بعض ابي اتعرف على احد يكون لي مثل الام والاخت ومتى مافضيت ازورها او تجيني مو محصله حظ ..واحيان أتمنى ترجع حياتي براحه نفسيه مثل اول بدون ماامر بتجارب صعبه مع اقرب قريب دعواتكم لي بالتيسير