السلام عليكم ورحمة الله وبركاته
انا عضوه يديده
بس الحمد لله عندي خبره في التجميل وبالذات بتجهيز البشره لأي مناسبه وخاصه لو كانت الي قدامي عروس
بعطيكم ان شاء كل يوم وصفه واتمنى لكم الفايده
وعلى فكره يابنات الي يصبر ينول الخير كله بس اصبروا على كل شئ الخلطات تراها مب سحر كن فيكون يعني استخدمي الخلطه لمدة شهر وبتشوفين النتيجه وعلى فكره هالوصفه يوميا الين قبل المناسبه الي عندك باسيوع واذا ماعندك مناسبه استمري عليها لانه نتائجها رهيبه وانا مجربتها
اول وصفه
للوجه والجسم
تاخدين ملعقتين كركم +ملقعتين حنا + ملعقتين سدر + علبة زبادي 180غرام يعني صغيرونه تخلط الكميه وتحطينه على الجسم والوجه الين ينشف ووجهك كل ماينشف تزيدين عليه مره ثانيه وثالثه الي يخلص الكميه عندك واخذي ليمونه وافركي ركبتك وكوعك ورقبتك الين ينشف وجهك
الحين دور الاستحمام
تاخذين 4ملعقة سكر خشن +فنجانين زيت زيتون وتدخلين عزكم الله الحمام وتشغلين البخار في الحمام كانك بتسوين حمام مغربي وتدهنين جسمك بالكامل وتفركين براحه لاتعورين بشرتك وكل ماكان البخار كثير كانت النتيجه حلوه
من تخلصين كل جسمك ووجهك تسبحي بصابونتك الي تستخدمينها وتتاكدين انه مابقى عليك نتفة لون من الخلطه
من تطلعين من الحمام حطي على وجهك لمدة ساعه ملعقة عسل طبيعي
وعلى هالحاله لمدة شهر وبتشوفين العجب وتقدرين تستغلين وقت هالخلطه بوضع ماسك لشعرك وبجذيه تضربين عصفورين بحجر :D
وشكرا.........