لاحد يقولي قلبك مليان حقد

السلام عليكم ورحمة الله وبركاته

ياهلا ومرحبا بااللى لفونا
اسعد الله اوقاتكم يا العزيزات علي قلب ام عجره

بنات انا ابيكم تنصفونى بااللى راح اقوله وبدون تحيز الا للحق
انا قبل يعنى يوم كنت بنت صغيره مثل كل هاالبنات تحب تلبس:27: وتكشخ بس واحب اجاري الموضه يعني يوم كنت ادرس باالمتوسط كنت بعز مراهقتى احب اللبس والبناطيل لكن كانت عندي:bkh: خاله ولا كل الخلات تحب تراقبنا انا وخواتى واحيان تهزي امى على لبسنا وتقول انتى مالك سلطه علي بناتك يعنى تخيلوا تشيش امى علينا
اذكر يوم زواج اختى فصلت لى فستان بدون اكمام و المشكه انها كانت معي عند الخياط وشلون جت مدري المهم
يوم رجعنا من عند الخياط قالت لامي بنتك فصلت لها فستان مثل اليهوديات والله انى ماانسي ها الكلمه وبعدين جتنى امى تصارخ بوجهي والله لا اعلم ابوك اذا ما غيرتى الفستان
انا مت من القهر ساعتها وقلت لاابو فستان عوفتونى اياه وكانت تترصد لنا اية كلمه نقولها تفتح عيون امى عليها :cool:
المشكله امي على طول تصدقها ما كانت شوي تسمعنا
الزبده من ها الهرج هذا كله
بنت خالتى الحين تدرس باالثانوي وتلبس اي شي تشتهيه نفسها بنطلون فستان عاري موبس بدون اكمام حتى الظهر يطلع خواتى يجون ويقولون لاامى شفتي قبل تهوشونا على اللبس وطالعي بنت خاتى وش تلبس

ترد علينا بكل بروود وتقول هاذي بنتها لو تطلع عاريه لها ام وتعلمها
حسيت ان كلام امى مانفع رحت في احد المناسبات لخالتى وقلت لها خاله تذكرين لما كنا نلبس هاالبس وش تسوين :mad: تقوم تضحك وتقول ياويلى من غيرتكن على بنتى لا والادهي تقول لاتقارنون زمانكم بزمان بنتى

سلامات ليش مانقارن كل اللى بننا اقل من عشر سنين

ولما كنا نزهق كانت تقول لاامي (ليش يزهقن ماعفيهن الله ) وتقول ( عندهن كومة بزارين على شان يزهقن ):09:

المشكله امى دايما فاقده الثقه فينا وتصدقها على طول :35:


الحل يا بنات ابيكم تنصفوني لان كل ما جت مناسبه اشوف بنتها كل ما لها وتتعري اكثر
ولما نقول لخالتى تقول ليش تغيرون من بزر :baby2: بالله ياناس تدرس باالثانوي وتقول بزر ماتعرف شي

خلاص انا معاد الا :boom:::ردوا علي ولا تهملون كلامي وانا ما احقد علي البنت بس امها خلتنى اكرهها

فيه مثل حابه اقوله لكم من كثر ما اردده (البعير ما يشوف عواج رقبته ) اختى تذكرني فيه لما اقوا ليش وليش طولت عليكم بس انتم خوذو رحتكم باالرد علي وسلامي للجميع :icon29: