وظيفتك ورسالتك تربية عيالك ,, مو النت ولا الواتس

ما اقول لك لا تجلسي على النت لكن خصصي لهم ساعة او ساعتين للتلفزيون وانتي روحي ع النت واذا خلصت المدة ,, التلفزيون والنت يتقفلوا سوا
باقي الوقت خليه للبنات سواليف توجيهات بهدوء لان اللي يخليك معصبة انك تبغي تلحقي على اهتماماتك انتي ..

فعلا يمكن اكثر اللي يعصب فيني اشغالي ودي اخلصهم بهدو واتضايق لمن اذكر انني ماجلست معاهم

بالعكس هذا الوقت الامثل.... بناتك على ابواب المراهقة و عمر المراهقة كثير خطير زين انك وعيتي على نفسك قبل ما بناتك يلاقون شخص ثاني يفضفضون له .

تقولين اشغالي واشغالي اي اشغال هاذي الي اهم من اولادك؟؟؟؟
اطبخي وحظري الاكل والبيت يتنظف ولو مرتين بالاسبوع بس خليكي جنب بناتك يومياً

وبالنسبه للاشغال ابدئي من المطبخ مع بناتك خليهم يساعدونك وادخلي لهم من هالباب
انكم كبرتوا و لازم تبدأون تساعدوني
خلي وحده تغسل لك الخضراوات والثانيه تنقع الرز بالماي
وانتي سوي الشغل الصعب بس اهم شي انكم مجتمعين كلكم بالمطبخ وابدئي افتحي السواليف الي صارت بالمدرسة خليهم يحكوا لك عن صديقاتهم عشان تعرفي مع مين يمشوا وهكذا بالتنظيف مثلا اعطيهم مسح اخشاب ترتيب اشياء بسيطه ومنها ثلاثتكم تتعاونوون وتنفتح السوالف وشوي شوي يتقربون منك صدقيني

واهم شي اهم شي اهم شي انك تتوقفي عن شيء اسمه عصبيه وصراخ هذا اكثر شي يرهب الاطفال صدقيني
واذا غلطوا باي شيء مثلا وحده كسرت صحن او شيء عاااادي لا تصيري عصبيه وتقولين لها مثلا ياثوله يا حماره كسرتي هالصحن انتبهي مره ثانيه لالالالالا ابد

بس قولي لها تعورتي؟؟؟؟؟؟؟ انجرحتي مثلا اذا تقول لا قولي لها الحمدلله ماصار شيء و انكسر الشر وانتبهي مره ثانيه بكل هدوء وخلااااااااص واي مساعده انا جاهزه عززيزتي انا بعد مثلك اتغيرت

ماقصروا البنات في ردودهم الجميلة

بس الدلع أبدا مايبني الشخصيه في عوامل أكثر أهميه

وعلى حسب معاملتك لهم وهم مثل العجينة تشكلينها على كيفك مع مراعاة الفروق بينهم

حبيبتي يمدك تقوي شخصيتهم
اسمعي محاضرات الدكتور ميسرة
كمان حاولي تخصصي عمل من اعمال البيت لهم اذا خلصت العمل امدحيها المدح مهم علميهم بسواليف وانتي صغير
خليهم يدخلو معاك المطبخ مثلا يشكلو معاك المعجنات
قللي عصبيةمعاهم