اخباركوا ايه يااحلى البنات وحشتوووونى جدااا.. النهارده حابة اقدم لكم طريقة عمل كيك الباباز .. والمعروف ان الباباز بيتعمل بالخميره والصراحة انا جربت اعمله بالخميره لقيته زى الخبز ..
عندى لكم وصفه للباباز بس بالبيكنج بودر لذيذه جدا وهشه جدا
نشوف الصور
المقادير
4 بيضات
فانيليا
1كوب سكر
نصف كوب زيت
1ونصف علبة زبادى (ممكن تستبديله ب 1ونصف كوب لبن رايب)
3معالق ك جوز هند مبشور
2 ك دقيق ذاتى التخمير
ربع م ص بيكربونات الصوديوم
م ص بيكنج بودر
الشربات او الشيره
كوب وربع سكر + كوب ماء + عصير ليمون + شرائح برتقال
كلهم ع النار يغلو من 8:5 دقائق
الطريقه
يضرب البيض مع الفانيلا فى الخلاط كويس جدا حتى يصبح لونه فاتح
ثم نضيف السكر وتخلط ثم الزيت ثم الزبادى او اللبن ثم جوز الهند وتخلط جيدا ويصب الخليط السائل فى وعاء ثم يضاف له خليط الدقيق مع البيكنج بودر وكربونات الصوديوم .. وطبعا الدقيق منخول
وتقلب فى اتجاه واحد بالمضرب اليدوى ويصب فى الاناء وده شكله
ثم يصب فى صنيه مدهونه ومرشوشه بالدقيق
صورته قبل دخولها الفرن
ثم ندخلها فى الفرن ويكون مسبق التسخين ب ريع ساعه.. والنار من تحت فقط بتاخذ حوالى 35:30 دقيقه وفى الاخر تولع الشوايه ع نار هاديه يادوب يحمر الوجه
ثم تسقى بالشيره والصراحه انا مش حطيتها كلها عشان مش تبقى مسكره زياده وبعد ماصبينا الشيره دى النتيجه
بعد ماتتشرب الشيره يرش ع الوجه جوز هند
وده شكلها من الداخل شوفو ازاى هشه ومرتفعه وخفيفه
وده احلى طبق لاول واحده ترد بس تجيب كوباية شاى معاها
اتمنى تعجبكوووو
ملحـــــــوظه
دى صورة الدقيق اللى استخدمته الصراحه احسن من رياض فودز
فى امـــــــــــــــــان الله
بحب بلدى
يسلموووو دياتك حبيبتي