هلا بغالياتي مغتربات ملتقى الاحبة المغتربات
حبيت افيدكم بطرق الاتصال على الاهل والاحباب مجانا
طبعا يتطلب البرنامج انترنت وواير لس ( واي في) من كلا الطرفين
طبعا في برامج كثيرة لكن راح اكتب لكم اولا الي جربتهم ومرتاحة جدا عليهم
برنامج viber
وهو برنامج رائع جدا وصوته واااااااضح
حمليه من الاب ستور او الانستول
واتبعي الخطوات
تقدري تتصلي منه او ترسلي رسائل
بس لازم من ايفون الى ايفون
والطرف الاخر لازم يكون محمل نفس البرامج
برنامج tango
برنامج راااائع للاتصال صوت وصورة
انا احيانا اكلم اهلي واشوفهم ويشوفوني
ونفس الشي
لازم من ايفون الى ايفون
والطرف الاخر لازم يكون محمل نفس البرامج
برنامج nimbuzz
الميزة فيه ان من اي تلفون الى اي تلفون يحمل برامج
ممكن يكون ايفون او بلاك بيري او جلكسي
المهم من الجيل الثالث
وطريقته سهلة جدا
والكلام واااااااااااضح جدا من اي مكان في العالم
في برامج اخر حملتها وما عجبتني لكن في ناس مدحوها .. منها
برنامج whistle
وايضا هذه البرامج وما حبيته
برنامج hyper cat
برنامج Icall
ما جربته وانما سمعت عنه
وان شاء الله اجربة
برنامج facetime
صوت وصورة
ايضا لم اجربة لكن في كثير يمدحونه
وفي ايضا برامج الرسائل ومشهور عند الكل
برانامج whatsapp
وتقدري ترسلي منه رسائل صوتية او فيديو
وانا مجربته وهو رائع
وطبعا هو من اي تلفون المهم يكون من الجيل الثالث
وطبعا في برامج اخرى وكثيرة نقدر نتواصل بها مع الاهل والاحباب لكن هذه الي جت في بالي الان
واذا تذكرت اي برامج اخرى او سمعت فيها راح احطة لكم
وانتم ايضا اذا عندكم برامج جيدة للتواصل والاتصال المجاني من اي مكان في العالم ياليت تحطونها لنا لكي نستفيد