لاخاب من استشار ولاندم من استخار

انا مشكلتي مع زوجي من ثلاث سنوات بسبب اهماله وعدم صرف علينا لاقلت قال انا مديون اقول نبي الشي الضروري بس ما اطالبك بالاشياء الترفيه اخذت موقف وزعلت عند اهلي كذا مره وكلموه اخواني يتعدل شهر شهرين ويرجع ع طبعه هو ماانكر طيب قلب وكريم لاصار معه اعطني واجد بس اجلس شهور ع الجوع قلت رتب وضعك بورقه وقلم مصاريف بيتك ومصروف الشخصي وديونك اي ان شاء الله ولا اشوف شي .. واهله الله يهديهم للحق هم السبب بكل شي لازعلت قالو طلقه وتزوج يحسبني طالبه شي عظيم وهم يشوفون حليب عيالي كل يوم اطلب منهم . واخر مره العام بشهر 8 صار نقاش ومد يده علي وطلعت لاهلي وبعد بشهور حاول يعتذر قلت تفاهم مع اخواني وسكت ماراح لاحد وجاه اخوي قبل فتره قال سنعه وسنع عيالك ولا تكلم معي بشي والاسبوع الماضي كلمني واعتذر وقال بتغير واتعدل قلت اوك برجع ع كلامك هذا موافقه وارضني باللي تقدر عليه عن مدة يدك قال اوك فجاه الاحد وهو يكلمني ع اساس يبي يحول فلوس لي ولعياله مصروف فجاه قال مانصلح لبعض وبتزوج وباخذ قرض .. انا انصدمت من كلمة مانصلح لبعض مابحياته قاله لي .. هو ماجاء لاهله الا الاسبوع الفات شهور ماجاهم لانه يعمل بمنطقه مو عند اهله . والكلام متاكده من راي اهله .. وش رايك ارسل له رساله واقول نرجع ونعطي انفسنا فرصه ولا اهانه لي لو قلت او برخص نفسي ولا بعدين يذلني لارجعني .. وانا وربي يعلم الله ماهمني الا ولدي مره متعلق فيه بس يفكر فيه ضعف ماياكل ابدا ..