لاخفا حب الشباب

السلام عليكم

أنا شخصيا أعاني من هالمشكلة ألا و هي آثار حب الشباب و الحـفر خصوصاً على خدودي اليوم بحاول أعطيكم أحسن الطرق الي أنا شخصياً جربتها عشان تخفف هالآثار بحطلكم صور المنتجات ووين شفتها و السعر إذا أعرفه أو ذاكرته بس أول شي لازم تعرفين بإن ماكو حل سحري يخلي هالآثار تختفي بالمكياج (جراحياً ممكن) المكياج يقدر يخففها بس عشان جذي لا تتوقعين بشرة صافيه 100%


و بقولكم عن تجربه شخصية :


واثق الخطى يمشي ملكاً يعني كوني واثقه بنفسج حتى لو ماكان في مكياج على ويهج لأن ثقتج بتنعكس على شكلج , إذا إنتي ما حبيتي نفسج اشلون تبين الناس تحبج؟؟؟


ضحكت و أنا أدرو بالنت عن الحلول لهي المشكله لما شفت خبير تجميل يعاني من هالمشكلة و يقول بالفيديو أنا أحب الآثار الي بويهي لأن تعطيني كاركتر (أمه علمته هالشي) شوف اشلون حب نفسه فلازم احنا نتعلم نحب أنفسنا بعد



بنات هالموضوع جهد شخصي فماراح أحلل الي تنقله من غير استئذان أو تكتب منقول من منتدى كويتيات للعضوة (عوضية)



بسم الله


1- أبدي ببشرة نظيفه أعيد و أكرر مكياج على بشرة مو نظيفه لو شنو ماراح يطلع عدل لازم تغسلين ويهج قبل لا تبدين تحطين المكياج


2- إذا بشرتج جافه لا تنسين ترطبينها و لا تكثرين مرطب كمية المرطب الي لازم تحطينها على كل ويهج لازم تكون كبر حبة البزاليا , إذا بشرتج مختلطة بس رطبي الأماكن الجافه و إذا بشرتج دهنية نصيحة مني لا ترطبينها


3- الحين بنبدى المكياج, يقول الخبير أحسن شي بدال لا تحطين طبقه ثقيله تسيح على الويه جربي تحطين من كل شي طبقتين خفيفتين, شخصيا أنا أسوي هالطريقة و تنفع وياي


4- نبدى بالبيس ولا الـ Primer , في أنواع كثير تناسب البشرة الدهنية و أكيد كل وحده في واحد مريحها و يناسبها أنا بحطلكم أحسن شي موجود بالسوق و إنتي شوفي الي يريحج


الخبير يفضل البرايمر الي من سماش بوكس و أسمه Photo Finish Foundation Primer ينباع بسيفورا بالأفنيوز صراحه ما جربته ولا أعرف سعره بس في منه عدة ألوان الخبير يستخدم العادي و في نوع أسمه نفس الشي بس Light هذا مخصص للبشرة الدهنية أكثر و هم هذا ما استعملته




الي أنا أفضلهم شخصياً البيس من جيفنشي الودري لليل ولا العصر Givenchy Acti' Mine Make Up Base SPF 15 in Acti Strawberry ب 11 دينار و برايمر ماك الي فيه حماية من الشمس 50 للصبح ب 10 دنانير MAC Prp + Prime SPF 50








عندج بعد برايمر ماك العادي ( ما جربته بس يقولون يسحب لون كريم الأساس!!!)




في برايمر من ماك مخصص للحفر بصراحة أسمه Matt و المفروض يخفف الدهن عيبه أنه يدهن الويه زياده أنا أستعمل منه طبقه خفيفه فوق الخفر بويهي بس عندي مال جيفنشي أحسن منه




في عند بينيفت برايمر أسمه That Gal روحو وجوه بالأفنيوز يعطونكم التستر ماله أنا ما شفته ذاك الزود بس أخذ التستر و جربيه يقولون باليوتوب وايد زين!!!




الحين حطي طبقه من البيس, لا تكثرين طبقه خفيفة تغطي كل ويهج, بعدين نطري لما ينشف و كرري العمليه و حطي طبقه ثانيه


5- بعدين ننتقل للكونسيلر - ينصح خبير التجميل باستخدام كونسيلر يكون لونه لون السالمون (مشمشي فاتح) الماركات الي ينصح فيها كونسيلر من بن ناي أسمه تاتو كوفر ben nye tattoo cover سمعت أنه بن ناي ينباع بالكويت الي تعرف وين ينباع (الأصلي) خلها تقول لنا و تاخذ الأجر



ممكن بعد تستعملون كونسيلر ايف برل Eve Pearl Magic Salmon Concealer وموقعها يوصل للكويت ودي اشتري منتجاتها شكلها واو



موقعها: www.evepearl.com

بالنسبة لي انا أفضل كونسيلر فوريفر Make Up For Ever Full Cover Concealer بس للأسف مو لاقيه الدرجة المشمشيه الي تلغي الحمار و تخفف الأثر عشان جذي بشتري من ايف برل



أخذي فرشة الكونسيلر من أي ماركة تحبينها و بالفرشه حطي الكونسيلر على ويهج وركزي على الآثار (لا تحطين وايد طبقه خفيفه) بعدين جيبي اسفنجه بلليها عدل بالماي عصريها ووزعي الكونسيلر بعدها ردي بالفرشه و حطي طبقه ثانيه من الكونسيلر بس على أماكن الأثر الواضحة و رجعي بللي الأسفنجه بالماي و عصريها عدل ووزعي الكونسيلر على ويهج (جربي اسفنج مكياجي شريته من محلهم بالمهلب 1.400)


6- بعدين جيبي بودرة شفافه مو أي بودرة عاديه لازم الشفافه عندي مالة ماك بس أعتقد كانت ليمتد اديشن mac prep prime transparent finishing powder إذا ما لقيتيها جربي مالة فوريفر Make Up For Ever HD POWDER






الحين بأسفنجه ثانيه أخذي البودرة و طبطبيها على كل ويهج فوق الكونسيلر مو تمسحينها لا طبطبه طبطبه عشان لا تشيلين الكونسيلر


الحين مهم جداً لا تلمسين و يهج سوي مكياج عيونج ولا سوي حواجبج المهم تنطرين 5 إلى 7 دقايق لحد ما يتشرب الكونسيلر البودرة


بعدين جيبي فرشاة بودرة كبيرة و شيلي البودرة الزايدة و بعدها حطي الي تبينه بتحطين بودرة ماك المينيراليز الطبيعيه MAC Mineralize Skinfinish Natural العادية المات مو الي فيهم لمعه


أو الكومباكت مالج ولا بودرتج لوريال أي شي بودرة خفيفه مو سائل



وسلامتكم

انتظر ردودتكم