لادتي في المستشفى السعودي الالماني (جده ) الدكتورة نسرين

بسم الله الرجمن الرحيم ..


الحمدلله ولدت قبل 9 اشهر بس شكلي دوبي استوعب ودوبي افكر احكي قصة ولادتي ..ماراح اخوفكم ولا البكريات ماابغاهم يخافو لان الولادة زي الزواج مهما احد يحكيلك فتجربتك غير تجربة اختك ..


بسم الله ابدا ..

انا طبعا بكرية كنت اسمع واسمع تجارب شي منها حلو وشي منها مرعب بس كنت مؤمنة انو اللي راح يصير لي ممكن يكون اسهل او اصعب حسب الحاله


في يوم ولادتي جاني مغص بالليل تقريبا قريب الفجر طبعا ماكنت ادري انو هذا طلق وحاولت انام ماقدرت قمت اخت بنادول ع اساس انها تقلصات كالعادة لانو كانت تجيني من دخلت الثامن اخدت البنادول والمغص كل مالو يشد
كل مالو يكون ورا بعض وانا والله ماجا ببالي 1 بالمبة انو طلق ..

كثرت الاهات سمعني زوجي طبعا كان نايم .. يقولي حاولي تنامي شكلو يتهرب من المستشفى طبعا انا قلق توي عروس واسمع الكلام وحاولت انام ماقدرت

قالي يلا المستشفى

طبعا انواع للطلق جاتني بالسيارة وانواع الالم وانواع التقلصات .. وانا لسى ع بالي ح ارجع البيت

دخلت طبعا الطواريء ع طول شافو كرشتي وقالهم زوجي اني بكرية ودخلت التاسع لي اسبوعين قامو ع طووووووووووول حطوني ع كرسي متحرك وجري بالاسياب على غرفة الكشف


بعدها جاتني الله لا يساااااااااااامحها وحدة جبارة قلبها زي الحجر سالتني بكرية قلت ايوة قالت كم لك دخلتي التاسع قلت اسبوعين وفجأه وانا اتكلم الا هيه كل يدها جواا .. طبعا صرخت صرررررررررخة سمعوها حتى اللمنومين فوق قالت لي بكل برود وبنظرة عنيفة .. انتي مش قادرة تتحملي كشف كيف ح تولدي :mad:


والله والله حسيت بروحي ح تطلع مدري وش السبب يمكن لاني ماقريت ولا استوعبت انو لازم ارخي نفسي وقت الكشف عشان مايعورني .. او هيه ماحطت جل .. الله اعلم .. بس اقسم بالله جربت الولادة انو هالكشف مو طبيعي ...


الموهيم قالتلي مفتوح 7 ماشاء الله انتي ازاي بكرية وصابرة كل دا .. اعرف البكريات يجو من 1 سم بلاها ماتدري اني ماادري انو هذا طلق ..

قالت مين دكتورتك قلتلها نسرين .. قالت طيب قلت ح تجيبوها قالت ان شاء الله ..

انا فقدت الامل انها ح تجي دكتورتتي لاني صراحة مرتاحة لها طول حملي انسانه هاديه وخلوقة وانا رحت لها بعد ماتصحوووني كتير ...

المهم ماطولت بغرفة الكشف دخلوني الولادة طبعا وقتها بدت رجليني ترجف ودخلو ركبو لي المغذي .. وفتحو لي عشان تنزل الموية وقعدو يسألوني كم سؤال وقالت لي الهندي كل ماجات طلقة دفي ..

جات دكتورتي الحمدلله ماطولت مع انو كان يوووووووووووم جمعه وفقدت جد الامل انها تجي بس لانو كان فيه 6 غيري عند نفس الدكتورة عشان كدا طلبوها ..

جات اخيرا وفرحت وضحكت وكنت مرتاحة وماادري عن الولادة وهمها .. المهم صبحت عليا وقالتلي كيفك وااخبارك وكانت تتكلم مع اللي حولها الممرضات .. المهم قالتلي شاطرة ودخلت يدها تشوف قالت كلها ثواني ماتخافيش انتي ساعديني ..

وقالتلي خدي نفس ولما اقولك دفي دفي مادفيش من غير مااقولك عشان ماتروح طاقتك .. سرت اريح ولما تقول دلوقتي دفي اقوم اخد نفس وادف واحس وجهي يزرق من كتر الشد .. طبعا كانت فيه هندي تدف بطني مدري وش سالفة دف البطن ..

المهم ياحبايب قعدنا من وقت اذان الجمعة الللين يمكن 2 وانا في حاله مايعلمها الا الله .. واسمع الكشكات اللي جنبي يدوب يصرخو صرختين الا اسمع صوت البيبي ماشاء الله

وانا قاعدة اقول يارب متى انا متى اتا .. وادف وادف واحاول وهيه تساعد تقول يلا اهو راسة اهو انا ماسكاه باقي شوي


لما حست انو طولت بدأو الدكتورات اللي جنبي يمرو عليا واسمع الدكتورة تقول البنت بتحاول بس مو راضي يخرج
وهيه تقولي انا حاسة راس البيبي بس هو عالق باكتافة تخيلو نصو برا ونص جوا وانا بمووووووووووت .. المهم احاول وهما يتناقشو واحاول واحاول ..

في النهاية قالت يابنتي احنا خليناكي لاقصى حد ودحين فيه خطر ع البيبي ممكن لو طولنا اكتر من كدا ينقص الاكسين لانو خلاص الجنبن نزل بس عالق ..

قالت ح انادي ع زوجك يوقع قيصري .. قلت نادوووة بسرعة

طبعا تخيلو موقف اهلي مساكين كل اللي حولهم ولدو وطلعو واهاليهم مشيو وانا كل مايسأل زوجي اشفيها تأخرت يضحكو عليه يقولو لسى بدري عليها ودكتورتها ماجات .. عشان مايبغو يخوفوة .. المهم انتظرو اهلي برا وزوجي وانا بين الحياه والموت .. الدكتورة نزلت رجلي ونومتني ع الجنب وجا زوجي شاف الدم والخرابيط وتجنن وصارت الدكتورة تشرح له وانا اقول وقع وقع بسرررررررررررررعة . قال لازم امها تشوفها وجاتني ماما وانا خلاص انهرت مااشوف ولا احس اني اسمع ..


ثواني نقلوني من غرفة الولادة للعمليات وانا اتشهد واقرا من اول .. وسمعت الدكتور يقول دلوقتي ح تنام .. دلوقتي ح تنام .. ومادرييييييييييييييت عن شي الا بغرفة الافاقة لقيت امي معايا وصحيت وانا ابكي قلت دامني حيح اكيد البيبي صار فيه شي قلت يمة انا ولدت قالت ايوة وتبكي قلت انا حيح قامت تضحك قالت ايوة وتبكي

قلت طيب والبيبي قالت بخير وراح زوجك عنده ..

وبكيت ونمت مادريت عن شي

واسمع امي تصيح اشبها بنتي رجعت نامت .. قالو عادي عادي بتقعد كدا لانو جسمها مو متعود ع البنج ..

المهم طلعوني غرفتي وشوي انام وشوي اصحى ..

وكان كااااااااااااااااااابوس لني ولدت طبيعي وقيصيري بنفس الوقت ..

الخلاصة ...

* الدكتورة للامانه كانت متجاوبة معايا وقاعدة طول الوقت معايا يمكن لانو شافت خطورة الحاله
حاولت كثير واخدت وقت وبعديييييييين قررت قيصيري .. لانو قالت حرام لازم تحاولي انتي بكرية

* سؤال محيرني ليه مايكون فيه كشف يبين حجم الحوض اذا يسمح او لا انا سألت الدكتورة قالت بالنسبة للبكريات مانقدر نحدد لازم اول مولود نجرب طبيعي وبعدها نقرر

قلت بس انا من الثامن اسالك عن الحوض قلتي انو مايبان لان الجنين يكبر وومكن يكون حجمة وقت الولادة مناسب لحجمك ..


عموما بالنسبة لي خفت من الطبيبعي وخفت من الولادة واللين دحين كل ماتذكرت كاني اتذكر الموت ..

ونفسي بجد يكون فيه شي يحدد حجم الحوض وحجم الجنين حرام الواحد يولد مرتين ...


اي سؤال انا حاضرة ..