لارحت ولا جيت في هالعطلة والسبب....

السلام عليكم ورحمة الله وبركاته
وش اخباركن يالحبيبات
انشالله بخير
بادخل في الموضوع علطول <<< ماعندها وقت
انا ياطويلات العمر استخدمت حبوب( بريمولوت ان) اللي تمنع الدورة في شهر رمضان
بس مو كل الشهر 5 ايام تقريبا لاني كنت بروح مكة
المهم
قبل كم شهر تقريبا في شهر3 بدت تطلع لي حبوب في وجهي وانا ابدا ماكانت تطلعلي نادر مرة ولو طلعت تطلع حبة
والحين وجهي بالذات الجبهة كلها حبوب وكل شو تطلع لي حبة
حتى اني ماعاد رحت ولا جيت بسببها الحمد لله اني معطلة والا وش باسوي
وانا اقول يمكن ان هاللي جاني من الحبوب اللي كليتها
بس ليش ما طلعت الحبوب علطول يعني تقريبا بعد 5شهور وش رايكم حبوب الدورةهي السبب
وياترى فيه حل لازالة الحبوب؟؟؟ ماابي اداوم وهي فيني والله اني خايفة اني تسببت على نفسي
والمشكلة لازم اكلها مرة ثانية عشان الحج وش اسوي
فيه احد صار له مثلي ؟؟
تكفون اللي جربت شي مضمون يزيلها لا تبخل علي
ابــــــــــــــــــي وجهي يرجع مثل اول :06:
الله يوفقكم ويجزاكم خير ويجمعنا بالفدوس الاعلى ووالدينا