فهمت عليك عزيزتي:D
بس بقى سؤال واحد
انتي كيف حطيتيها؟ اقصد بعد ما شلتي من الحلاوه غسلتي وحطيتيهاعلى طول؟ ولا صبرتي شوي؟ وكم خليتيها؟وبعد ما غسلتيها بالصابون ولا مويه بس؟ اخاف الصابون يبطل المفعول
واعذريني على كثرة الاساله
بس والله من الحماس:05:

ما غسلت بعد ما شلت..على طول حطيتها..ما صبرت..خليتها لين جفت الخلطه..اذا ما جفت تحسين ي مدبق بس اذا جفت تحسين انهاطبقه لماعه زي الماسك البلاستيكي..بس ما تنشال زيه..بس انا ما شلت بالحلاوة شلت بالماكينه..اذا ان الحلاوة تترك اثر مدهن اشطفي بمويه وجففي وحطي الخلطه..
وبعدين انا غسلت بالصابون لاني لو غسلت بالمويه وطلعت اهلي بيحسبوني خروف من ريحتي..وبعد تبخرت وحاله لان الريحه لا تطاق جد..

بس شوفي من الحين اقول لك..لا تدعين علي اذا شفتيها والا شميتيها اوكي؟؟:32:

سبائك العسجد مرحبا الغاليه

أقول الغاليه .. يستوي نحط الخلطه حول الحواجب يوم نشل الشعر ؟؟

مدري والله..اذا بشرتك حساسه لا تخاطرين..انا بجرب على منطقه الشنب..اذا ما تهيجت المنطقه حفيت وجي وحطيتها ..اما اذا تحسس فما بسويها..

انا جربت المرارة مع النشادر أمس........
جربتها على منطقة الشنب والابط والايدين....

اول ما حطيتها حرقتني بالذات في مكان الشنب.......
والله تروعت وقلت اسميني تشوهت خلاص..... وما لقيت اجربها غير في الويه
بس هو شوية واختفت الحرارة والاحمرار ........... الحمدلله
وصار عادي........ الين نشفت وغسلتها
يعني تشوفين يوم تحطين ليمون على مكان شلتيه بالحلاوة........ كيف تتخيلين الحرارة.... نفس الشيء
بس اللي لاحظته ان الاماكن اللي جربت فيها صارت ملسااااااء وناااااااعمة

وانا فرحانة موووووووت..... عسى النتيجة تكون مثل ما اتمنى

ألف شكر لسبائك العسجد وللاخت الردادي
والخوات سيدة الوسط ونجلاء
وكل اللي تشجعت بسببهم اني اجربها
وجزاكم الله كل خير........ وفرج عنكن كل كربة