لازالة المكياج والاساس من الملابس واخيرا لقيت طريقته

السلام عليكم

من زمان ابي اعرف وش يشيل الاساس عن الملابس خصوصا فساتين السهرة الحرير والجورسية

بصراحة هالتجربة اقصد الصدفه لها سنة يمكن بس نسيت احط لكم الطريقه
وتو ذكرتها من موضوع الاخت حراير اظن اسمها عن الكاوية البخار الله يذكرها واياكم بالشهادة

الصدفه وباعلمكم ليش صدفه<<<<<<اخلصي

طال عمركم كنت ابي اروح زواج وفستاني انحاس بالاساس البخاخ ولبسته مانشف وومن عند الياقه من ورى انحاس بالاساس حق الوجة وبودرة الاضاءة يعني كل انواع الاساس جت عليه
واشوة مو بالوجة يعني كلها شعري مغطيها

ولما لبست اكتشفت انها متكسر ومتعفط الفستان شوي وافصخه باكوية ومادريت اني حقت الدنيا وسويت بقعه وخطوط بالاساس عليه ولون الفستان بني محروق يعني اللي مايشتر يتفرج
واجيب الكاوية البخار اللي ينحط على راسها قماش تلبسينها اياه للاقمشة الحساسة وانا قماشي جورسية كان

المهم بديت اكوي وماشفت الحوسة اللي فوق
واطلع بسرعه على بداية خط اساس ماانتبهت له ولما انتبهت للاساس بس عقب ماحطيته عليه رفعته بسرعه خفت انه يبقع زيادة

واناظر الا راحت
وامشي على الخط راقية نازلة بالبخار ويرووووح كانك تمسحين سبورة
والقى البلاوي اللي مسويتها قلت ربي رحمني وانظف الفستان واكوية بنفس الوقت ههههههههه
وماشاء الله الفستان غاااااااااامق يعني لو شهابه خفيفه بتبين
صار جديد مرررة ولاكان فيه شي

قلت باعلمكم وافيدكم مثل مااستفدت

وارد لكم لو نقطه من بحر عطاءكم لي ولغيري من تجاربكم واتحافاتكم اللي افادتني كثير بالرغم اني ماارد واجد بس ربي يعلم اني ادعي لكل وحدة ادخل موضوعها والقاها تعبانه وتبي الخير لخواتها وتفيدهم
لاخلا ولاعدم:39: