اليوم سويت لازانيا تجنن و حبيت أوريكم اياها بالتفصيل الممل..(للمعلوميه هي على الطريقه الإيطاليه 100%)
نبدأ بالمقادير:بشاميل و لحم معصج بطماطم و اللزانيا و الطريقه هذي تصلح للزانيا الفرش و المجففه نفس الشي و الطريقه وحده،جبن سلايس(مو كل الإيطاليين يضيفوه بس انتو جربوها و شوفو الفرق )و جبن مبشور زي بارمزان
اضغطو على الصوره لرؤيتها بوضوح
يبنات أنا حطيت صورة النوعين علشان تشوفوهم بس انا استخدمت الفرش
هنا دهنت الصينيه بزبده و حطيت أول طبقه..و ما عليكم من الصينيه لها 10 سنين عندي و اضطريت استخدمها اليوم..
و هنا دهنت اللزانيا بالبشاميل و لأني أجهزه من قبل بوقت كان بارد و صار بهالشكل بس بعد الخبز يرجع يسيح
هنا حطيت مقدار من الصلصه فوق البشاميل و شوفو كيف تكون راخيه علشان تستوي اللزانيا و قطعت السلايسز ووزعته عليها و رشيت رشة بارمزان
هنا غطيتها بطبقه ثانيه من اللزانيا
و هنا كررناها كمان مره
يتبع طولو بالكم...لا أحد يرد فضلاً...
بعد ما نخلص آخر طبقه نخلط البشاميل بالمتبقي من الصلصه و نصبها على الوجه و نرش بارمزان
و هذي و هي طالعه من الفرن
و صينيه صغنوطه ثانيه
قطعه للتعذيب و شوفو الجبنه كيف سايحه..
و كمان وحده<<<شريره!!
ملحوظه:عشان تطلع معك كل قطعه بقطعتها و ما تسيح على بعض،اتركيها تبرد 10 دقايق الى ربع ساعه قبل التقطيع..
عوافي على قلوبكم و ما تنسو تدعولي..