فيه بالسبانخ او الريكوتا او المشروم والخرشوف او البولينيز انهارده هاعملكوا اللي بالبولينيز
هانبدأ من اول ما بنعمل اللازانيا نفسها من الدقيق لحد ما يمي يمي تاكلوها بالهنا والشفا
اتفضلوا معايا علي المطبخ :
عجينة اللازانيا :
3.5 كوب دقيق ويفضل انك تحطي نصهم دقيق سميد من بتاع البسبوسه
4 بيضات وصفار بيضه
ذرة ملح
الطريقه:
قلبيهم مع بعض من غير عجن كتير يعني يا دوب يمتزجوا مع بعض بس
كوريهم وغطيهم بكيس نايلون او كيلنج فيلم وسيبيهم يرتاحوا اد نص ساعه وممكن تعمليها من بليل وتسيبيها في التلاجه
بعد كده طلعيها وسيبيها تاخد حرارة الغرفه
ولو عندك ماكينة عمل المكرونه يبقي احسن كتير اوي
هاتبدأي من اعلي نمره وتمرري العجينه وانتي بتشديها
وبعدين تقللي نمره وتمرري العجينه
وبعدين تقللي نمر ه ..الخ
لحد ما توصلي لاارفع درجه
بعد كده رشيها بشويه دقيق وافرديها علي صينيه لحد ما تنشف شويه يا دوب علي ما الميه تغلي
سقطيها في الميه المملحه دقيقه او اقل
بعد كده صفيها كويس و طلعيها علي ميه ساقعه او فيها تلج عشان ما تلزقش في بعضها
لو مش عندك الماكينه حاولي بقي تفرديها كويس بالنشابه او الشوبك لحد ما توصل للرفع اللي انتي عاوزاه
ماحدش يرد لسه هاكمل
صوص البولينيز علي الطريقة الايطالية
مقادير البولينيز :
2 ملعقة ذبدة
2 ملعقه زيت زيتون
50 جم عجينة سوسيس (بطرف سكينه حاميه تفتحي من الجمب صباع السوسيس وتخرجي اللي جواه تقريبا بحتاج 2 من الحجم الوسط )
ربع كيلو لحم بقري مفروم + ربع كيلو لحم ضاني مفروم
نص كيلو طماطم منزوعة القشر ( ممكن تستخدمي علبتين من الطماطم الايطاليه المعلبه )
معلقتين معجون طماطم
بصله متوسطه
جزره متوسطه
كرفس امريكي
2 كبد دجاج
كوب من عصير العنب الاحمر
2 كوب حليب كامل الدسم
2كوب مرقة دجاج او لحم دسمه
ملح وفلفل واوريجانو
ملحوظه : الوصفه الاصليه تحتوي علي الباكون وده لحم خنزير وعلي كوب من الخمر الاحمر هانستغني عنهم بعجينة السوسيس وكوب من عصير العنب الاحمر
الطريقة :
نفرم كبد الدجاج علي لوح تقطيع بسكينه حاميه ( مش في المفرمه)
نقطع البصل والجزر والكرفس قطع صغيره
نسخن الزيت والزبده ونضيف ليهم البصل ونقلب لحد مايبدأ يصفر نضيف الجزر والكرفس ونقلب لحد ما يتحمروا قليل ويبدأوا ينشفوا
نضيف عجينة السوسيس ونقلب لحد ما الدهون الموجوده فيها تبدأ تظهر
نميل الطاسه شويه عشان الدهن يجي علي جمب وبالايد التانيه نضيف الكبد المفرومه ونقلبها كويس وبعد كده نخلطها مع باقي محتويات الطاسه
بنفس الطريقه نميل الطاسه ونضيف الربع كيلو لحم ضاني ونقلبه في الدهن لحد ما يتفكك ويبدأ لونه يتغير نقلبه مع باقي المحتويات
نفس الشي نعمله مع اللحم البقري
استنوني هاكمل ماحدش يرد