كيفكم ياحلوين ان شاء الله الكل بخير
اليوم سويت لازانيا طلع طعمها يجنننن و نفس طعم لازانيا المطاعم ان شاء الله تعجبكم واشوف تطبيقاتكم
انا استعملت لازانيا الي ما تحتاج سلق عاد كل وحده براحتها
اول شي تسوي اللحمه المفرومه مع البصل على النار لمن تستوي و تحطي عليه شوية فلفل اسود وملح
و تحطي ملعقتين صلصه و عصير طماطم الين مايتجانسوا مع بعض بس اهم شي كثري الصوص
وتسوي الباشميل
طريقتي في الباشميل
ربع قالب زبده مع شوية زيت في قدر على النار ولمن تذوب الزبده مع الزيت
تحطي اربعه ملاعق اكل دقيق وتخليه شويه وتقلبي
واخر شي حليب سايل تقريبا ثلاث كاسات
ومكعب ماجي وتقلبي الين مايثقل الباشميل
وتخليه على جنب وممكن لو عندك كريمة خفق تحطي ولو ماعندك مو لازم
تجيبي الصينيه الي حتسوي فيها الازانيا تحطي شوية باشميل وفوقها الازانيا وطبقه لحمه مفرومه وجبنه وشوية باشميل الين مايخلص الخليط صوص اللحمه المفرومه انا تقريبا سويت ثلاث طبقات وكل وحده على رراحتها واخر شي طبعا تغطيها بالباشميل وعلى الوجه جبنه
وتدخليها الفرن على حرارة 350 انا خليتها ساعه الا ربع عشان الازانيا مو مستويه وفرني كهرباء
واذا خلصت واستوت نزليها من الفرن وخليها تبرد
وبالعافيه
وهنا زوووووم
من الداخل
