اهلا حبيباتي
اليوم جايبه لكم طريقتي في اللازانيا
كل من اكلها عجبته ومدحها
315874
المقاديرالحشوه
ربع كيلو لحم مفروم
كاسه ماشروم مفروم
حبتين بصل-نصف كاسه بزاليا
نصف حبه فلفل رومي-حبه جزر مبروشه
ملعقتين معجون طماطم- رشه ملح
ملعقه صغيره بهار-ملعقه صغيره لومي اسود مطحون
صلصه الباشاميل
كاسه الي كاستين حليب علي حسب
3ملاعق طحين-50 جرام زبده- رشه ملح
طريقه عمل اللازانيا
قبل كل شي انا احط اوراق اللازانيا الي بحطهم فوق
في صينيه واخلي عليهم ماي مغلي
اشوح البصل واحمر اللحم وبعدها احط البهار
بعدها الجزر لانه قاسي شوي وعقب الماشروم
وبعد ماينشف الماي اضيف الفلفل الرومي
واخر شي معجون الطماط احرك شوي واضيف
البزاليا المسلوقه
اخلي معاه كاسه ماي عشان اتاكد من نضج كل
المواد الي عندي
بهلوقت اجهز الباشاميل
الطريقه الكل يعرفها اتوقع الي هي اذوب الزبده و
اضيف الطحين واحرك شوي واضيف الحليب
بالتدريج الي ان تطلع معاي الصلصه بشكلها
المعتاد واخر شي رشه ملح
والحين اخلي جنبي الكاتشات والباشاميل
والحشوه واوراق اللازانيا وجبن الموزريلا
ادهن قاع الصينيه بشويه زيت
واصف الورق الناشف وبعدين اللحم وفوقه
الصلصه البيضا وفوقها الجبن وفوقه الكاتشاب
واكرر العمليه الي ان تنتهي عندي الطبقات
وممكن تخليها طبقه وحده بس
واخر شي اجيب الورق الي نقعته في الماي المغلي
واصفه علي وجه الصينيه واصب الصلصه البيضا
وفوقها ارش جبن واخر شي الكاتشاب بهلطريقه الي
تشوفنها بالصوره طبعا الطبقه هذي فيها اكثر
جبن وصلصه بيضا عشان يصير شكلها زي
الي في الصوره وندخلها الفرن او المايكرويف
انا حطيتها في المكرويف واخترت زر اليخنه
تابعي الي ان تصير شقرا يعني نضجت
هذي صورتها قبل تطلع من المكرويف
315875
وهذي صوره عشان تبان الحشوه
315876
اتمني تعجبهم وتقدموها لاحبابكم وعليكم بالف عافيه
هاااااااااه وش رايكم شهييييييييييه صح؟
:o
mar mar @mar_mar_3
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
يعطيك الف عافيه
ماشاء الله تشهي
تسلم الايادي