أنا صاحبة هالموضوع واشكر كل من ردت عليه حابه احطه هنا مره ثانيه للتذكير لأني محتاجه مشورتكم ... ارجوكم ساعدوني :
وهذى موضوعي القديم :
اعذروني لو طولت عليكم ...
ماادري كيف ابدأ بعرض مشكلتي .. لا لا والله مو مشكله ألا مأساه ..
انا معلمه سبق لي الزواج وتطلقت وبعدها تزوجت واحد متزوج وعنده عيال ..
قبل اعرض مأساتي احب اقولكم وش اللي خلاني ارضى فيه واصبر عليه ..
سبب عذابي في حياتي امي وابوي واخواني ..
امي من يوم عرفت الدنيا وهي تحرش ابوي عليه انا وخواتي وتقسي قلبه علينا . وصار دائما ينتقدني ويسبني ويخوفني بأنه بيضربني . ابويه ملا حياتي بالخوف والرعب لدرجة اني اذا قدني اجلس معهم على السفره مااقدر ابلع اللقمه من الغصه والخوف من انتقاده .
تخيلوا امي اول ماتزوجت اختي الكبيره جلسنا انا واخواتي حزينات على فراقها تدرون وش قالت امي !! قالت والله لو هو بأيدي لأجيب لكم حمار تتزوجونه .!! هي تفكر اننا كنا حزينيين علشان اننا ماتزوجنا ... كم جرحتنا بهذا الكلام .. تصدقون اني من كثر ماتعبت من معاملتها السيئه ليه فكرت اني اسوي شي يخليها ترحمني وتحسن لي فرحت المطبخ اصلح العشا وقليت بطاطس وبعدما خلصت كبيت قدر الزيت على ساقي فأنسلخ الساق كله طبعا قلت لهم اني بغيت اشيله من على الفرن فانكب عليه . ورحت المستشفى وتنومت . وطلعت وانا فرحانه واقول في نفسي اكيد بيرحموني ويحسنون معاملتي بس والله العظيم اني يوم طلعت جلست في غرفتي ومااحد دخل عليه وثاني يوم امي ارسلت عليه علشان اروح انظف المطبخ مع ان ساقي باقي ملفوف عليها الشاش . وهذا شي بسيييط من اللي اعانيه .
المهم بعد تخرجي تزوجت وجلست اقل من سنه وتطلقت .
جلست بعدها خمس سنوات اعاني منهم كل اصناف الذل والقهر.
طبعا كنت اعاني من امراض زادت من عذابي .كان عندي تضخم في الغده الدرقه وكنت اطلبهم يودوني المستشفى بس كانوا يتأففون مني فصبرت وماعاد رحت . طبعا بسبب الغده جاني نزيف حاد ورحت المستشفى وصلحوا لي عملية تنظيف ووالله ان ابويه يسبني وتوني طالعه من المستشفى يقول اني اشغلته . المهم بعدها بشهر تعبت من الغده الدرقيه فرحت المستشفى وقرروا يستأصلونها بسرعه لأن فيها ورم . وبعد العمليه بفتره رحت اخذ نتيجة التحليل فطلع الورم سرطاني .. والحمدلله على قدره . تصدقون والله ثم والله اني يوم رجعت البيت ودخلت غرفتي وانا في حال مايعلم به الا الله من الحزن والله العظيم ان امي ما دخلت عليه ولا وآستني لو هو بكلمه لا هي ولا ابويه ولا اخزاني خواتي. مدري كيف مرت عليه ذيك الليله كانت طويييله جدا وكنت جالسه على سريري ومطفيه نور الغرفه واللي زاد المي انهم ما جوا يواسوني ويهونون مصابي . اخواني امشيها منهم بس امي !! كيف ابي احد يفهمني.. ووالله العظيم اني من ذاك اليوم الى هذا اليوم ماسألني ابويه عن وضعي او هل ابغى اراجع مستشفى ثاني .طبعا يوم شفت ردة فعلهم على مرضي دعيت الله من قلب مجروح ان يرزقني الزوج الصالح الحنون اللي اقضي معه اللي بقى من عمري .ما مضى الا ثلاث شهور وجا واحد يخطب مطول لحيته ومقصر ثوبه ومتزوج وعنده عيال .وافقت عليه وتزوجت وياليتني ماتزوجته . عشت معه سبع سنوات كلها عذاب والم . دائما يضربني مره كف على وجهي ومره بالعصا ومره يشد شعري ويضربني بأيده .ودائما يتف على وجهي . هذا غير السب واللعن . رحت لأهلي مره بس ماقلت لهم انه يضربني لأني ماابغى اتطلق وارجع لهم . فجلست عندهم سته شهور وهو تزوج الثالثه . طبعا وانا عند اهلي استمرت معاملتهم لي زي اول . بعد زواجه بفتره كلمني وقال يبي يرجعني فوافقت بس قال ماعنده امكانيه يدفع اجار بيتين وقالي ادفعي اجار بيتك فوافقت ودفعت الأجار واثثت البيت بس استمر على نفس معاملته ومشيت حياتي وصبرت . وع فكره كان اذا زعل مني مايسميني الا العقيم علشاني ماحملت .. وبعد فتره تعالجت وحملت بعد معاناه بس استمر يضربني وانا حامل وسبب لي نزيف في الشهر الثامن وتنومت . والحمدلله جتني بنت قمر هونت عليه كثير من المي وحزني ..
الحين انا ماعاد اقدر اعيش معه تعبت من الضرب والأهانه والتقصير . خمس شقق استأجرتها واثثتها واجلس فيها كم شهر واذا تعبت من سوء معاملته طلعت . الحين صار لي عند اهلي سنه بس والله تعبت من معاملتهم السيئه واللي زاد وغطى اخويه طلق زوجته وجا يجلس معنا في البيت والله بس اتحاشى الأحتكاك معه لأنه ممكن يمد يده عليه .
الحين انا مدري وش اسوي بحالي . ما ابغى ارجع للي اسمه زوجي ولا قدر اعيش مع اهلي ..
ارجوكم شوروا عليه وش اسوي كيف اتصرف . والله لولا بنتي ان ادعي ربي في كل لحظه ان ياخذ عمري وارتاح ..... الخ الموضوع.....
الحين انا ناويه ارجع له قبل رمضان .. بس المشكله اني اكرهه جدا جدا وما ابغاه يقرب مني او يصير بينا علاقه زوجيه لأني احسها اغتصاب من كثر ما اكرهه .. والله مدري وش اسوي .. هو مستحيل يقبل بهالوضع اذا ما اعطيته اللي يبغاه الزوج من زوجته بيرجعني لأهلي .. ابغى شي يخليني اتقبله وما ابين كرهي له ولقربه.
وشي ثاني هو همجي في تصرفاته في كل شي وعصبي جدا واكثر من مره ضربني وانا ماسويت شي.. والله يا ما فكرت اقتله واروح فيه اعدام.
وهل فيه شي ممكن اعطيه يشربه او ياكله بحيث انه يخفف من نشاطه وفحولته المقرفه لأني باختصار :
م ا ا ب غ ا ه ي ل م س ن ي .
نفسي أعيش سعيده @nfsy_aaaysh_saaydh
عضوة جديدة
لازم أفصل في قرار رجوعي لزوجي البغيض قبل رمضان وابغى مشورتكم.. ارجوكم ساعدوني
52
11K
يلزم عليك تسجيل الدخول أولًا لكتابة تعليق.
اقعدي بس عند اهلك وريحي. وكبي على امك من هالفلوس ودلعيها بالهدايا وهي بتضبط وضعك في البيت مع ابوك واخوك. الام هي اساس البيت اذا كسبتيها كسبتي الجميع والرجال دام عافته نفسك وانتي راتبك ماشي وش تبين تمططين السالفه معه ويروح عمرك مجاملات. يختي اللي تصبر على الرجال اللي مابيدها ماده وانتي ماشاء الله تقولين انك تدفعين اجارات. وكارهه نومته. وش تبين به ضبطي امورك مع امك وتزين امورك. يا يجي يرجعك بشروطك يا يجيب المؤخر الله لا يهينه وش تبين به.
طموحه 3
•
الله بفرج كربتك اجلسي ببيتك معززه مكرمه واذا قرب منك لاتتجاوبين معه خلك بارده لين يطفش ويتزوج الرابعه او زوجيه وجيبي ولد منه واجلسي في حلالك شوي شوي بيهجرك
اشتري شقه تمليك وقصديها من راتبك هذا اللي بينفعك لا اهل ولا زوج وليش ترجعين له هو سئ زي اهلك
من عذاب لعذاب؟؟
من عذاب لعذاب؟؟
الله يفرج همك ومافيه شي يستمر على حاله بس اصبري وراح هذي كلها تسير ذكريات وافضل شيء تستاجرين لك لك لوحدك وربي يسعدك دنيا واخره
الصفحة الأخيرة
أولا أختي الله يفرج همك و يرفع عنك هالكرب و يحنن قلب أهلك عليك.... أختي لا تيأسي من الدعاء فالله كريم و ما راح يضيعك . بس لفت نظري أنك إنتي اللي تأجرين البيوت ، أختي إذا عندك الإمكانيات ليش ما تروحين تأجريلك بيت و عيشي لوحدك إنتي و بنتك خصوصا إذا موظفة، مدري بس أحسه الحل أحسن من نار أهلك و جحيم زوجك.
لا حول و لا قوة إلا بالله و ا كثري من حسبي الله و نعم الوكيل.