لازم أنجب عشان يرضون

السلام عليكم
بقول مشكلتي اللي ماقدرت القى لها حل إلى الان
قبل سنتين من زواجي جاتني أفكار عدميه وتشاؤم وتساؤلات عن الحياه وليش نخلق ودخلت بدوامه أفكار شنيعه وبذاك الوقت زوجه اخوي كانت حامل وتنبهت لفكره الإنجاب ومع تشاؤمي حسيت ان فكره الإنجاب جريمه كونك تطلعين انسان من العدم إلى هذه الأرض الميانه ظلم وقتل وحروب، ومشاهد الحرب اللي اشوفها عززت هذه الفكره ومع أنه ليش اجيب انسان ويتعذب بالحياه وأخرته بيموت كل هالافكار كانت براسي خلت الدنيا تسود عيشتي ولاناقشتها مع احد نهائيا، دخلت النت ابغى اجابه تغير رأيي بس للأسف كل الأفكار اللي قريتها تعزز الفكره عندي لدرجه قريت لفيلسوف ألماني شوبنهاور كأنه يشرح اللي بعقلي ولاقدرت اقوله، حالتي كانت بالحضيض وبذيك الفتره تزوجت غصبن عني وحاولت اطرد هالافكار من راسي وقلت هذي وساويس شيطان وجاهدت نفسي جهااد نفسي مايعلم فيه الأوربي وقلت البنون زينه الحياه الدنيا وحملت وربي كنت مرعوبه من اللي سويته اطرد عذاب الضمير اللي عايشته بكل مااوتيت من قوه، مرت سنوات وكبر طفلي وماشفت الإنجاب الامسؤليه وهم ماينتهي ولاشفت جمال الامومه اللي يتكلمون عنه أكلت حبوب نفسيه فتره من كثر ماانا ضايعه وحاليا انا مطالبه بانجاب شخص ثاني الناس ذبحتني واشوف ولدي وحيد ويوجعني قلبي عليه ولاادري وش اسوي تعببببت وربي بين نارين ماادري اريح نفسي أو أرضى زوجي و لدى والمجتمع وانا بقلعتي وربي ودي ادخل تحت السرير واختفي وهذا ماجناه علي ابي وماجنيته على احد