لازم تدخلون تكفووووون عشاني

بسم الله الرحمن الرحيم
أضع مشكلتي لكم بعد أن مللت من الكتمان في نفسي
معلومات عن زوجي اللي ما احس انه زوجي ابدا

1زوجي انسان متعلم ومثقف ويخاف الله وطيب معي ويحبني ومايقصر علي في شي
2هو الابن الثاني من اصل 6 اولاد كبار متوظفين وعندهم (سيارات)
3الابن الكبير يقولون دائما نستحي نطلبه شي لانه كبير وله هيبه<<<< قلة حيا مو هيبه
4ساكنين في العزيزه يعني بعيد عن كل شي حتى عن اهلي حتى مشاوير اهله بعييييييده مررررره
5دوامه يطلع 6 ولازم ياخذ وحده من خواته معه يوصلها ويرجع 2:30 يداوم في الملز نص ساعه واحيانا
ساعه الا ثلث ويوصل البيت
6 ساكنه مع اهله شقه فوق والحوش مشترك ومدخل البيت بعد مشترك
7اخوانه معتمدين علييييييه مرررره

المهم
اهل زوجي صراحه استغلوه لانه طيب وصار يودي ويجيب فيهم حتى المتزوجات هو ياخذهم وهو يوديهم
هو اللي يشتري اغراض البيت لاهله هو اللي يودي امه ويجيبها هو اللي يجيب اخته من الجامعه واحيانا يوديها الصباح
عاد تخيلوا المشوار انتم كيييييييييف:eek:
تدرون وين الجامعه ؟؟؟ في مخرج 9 جامعة نوره يعني ابووووووك يالمشوار
تخيلوا مره طلع من الدوام وراح على طول ياخذ اخته من الجامعه من مخرج 9 قدام ملاهي الحكير
ورجع على صلاة العصر يادوب دخل من باب الشقه اقام الامام توضأ ونزل يصلي ورجع هلكاااان وتعباااان
وما امداه قعد الا يدقون عليه اخواته يقول نبي نروح لايكيا ايكيا بعييييده على الدايري
وقام وراح يوديهم ورجع قبل المغرب ........بالله مو كارفينه حسبي الله عليهم
وزوجي ما يبغى يزعلهم مايقدر يقول لا
طبعا من تزوجت وهو كذا -حتى ما اقدر اروح مشوار لوحدي لازم ناخذ معنا ركاب في السياره
لااااا هذا غير اني انثبر ورا اذا بناخذ اخته الكبيره معنا مع خدمتها وبزارينها تخيلوا:(
وهو عادي مبسووووووووووووط قال ايش قال اختي الكبيره واحترميها فوق هذا كله
يسمونه ( سواق العايله)

وغير وغير وغير
طبعا ياويلي اقول اهلك كارفينك لااااا يقول اهلي يحبوني اهلي مدري ايش وايش
صراحه ما الومه يعني طبيعي يحب اهله لكن الوم امه وابوه اللي معتمدين عليه مررره
وناسين عيالهم الباقيين ما اقول غير حسبي الله ونعم الوكيل

انا مليييييييييييييييييييييييت اتمنى نسكن في بيت بعييييييد عنهم اليوم قبل بكره يارب من غير شر عاجلا غير اجل
عشان احس اني متزوجه -حتى طفشني بس قاعد تحت 24 ساعه طفشششششت كل من جاء نزل تحت
الظهر يسلم على امه
العصر مدري ليه
المغرب يتقهوا مع امه
العشاء يسلم على ابوه
وهكذا في النااااااااااااااااااااادر يجلس في البيت
رغم اني احاول اوفر له كل الاجواء المناسبه انظف وابخر واهتم في نفسي
وكل ما قلتله قال يعني ما اسلم على امي وابويه


وش اسوي اهج
طفشت حسبي الله على اهله اللي ما يعرفون يقولون خلاص لاعاد تجينا خلك مع زوجتك وبنتك لاااا
الا يقولون ليش ما تنزل تتقهوا معنا
ماخذينه ونيس وسواق وكل شي

:icon33::icon33::icon33::icon33::icon33::icon33: