السلام عليكم و رحمة الله و بركاته
بكتب لك موضوع مهم لكل البنات و النساء الله يسعدكم..
للأمانة نقلته من مرشدة اجتماعية استأذنتها بالنشر للفائدة..
الله يعطيها العافية
بنتك او اختك لازم تعلميها عدة نصائح بخصوص النظافة و الحيض لما تكون بالبيت او خارج البيت عند احد مثلا او معزومة.
كيف تتصرف؟
*لازم يكون في شنطتك اكياس عشان تحطي فيها الفوط النسائية.
عادي تقدري تسخدمي اكياس الزبالة الصغيرة تحطي في جيب الشنطة او تجيبي زي هذي كمان حلوة.
*بعد ما تستخدمي الحمام و تخلصي تاكدي من نظافة الكرسي و الارضية اللي حوله.
*لاترمي الفوط من غير كيس.
*اذا كنتي في الجامعة او المدرسة او الدوام لا ترمي الفوط بالحمام لان البعض يستخدمها للسحر (ما اخوفكم بس الحرص واجب الله يسعدكم)
حطيها بشنطتك في كيس و لما تكوني برا ارميها في الزبالة او ارميها في بيتك و انتبهي تجلسي في المصلى و انتي حاطه في شنطتك الفوط او تحطي كتب فيها قران يا بنات.
*لازم مناديل معاكي .. جففي المنطقة بمناديل بعد كل حمام.
*الفوط انواع كثير ممكن اللي يناسبك ما يناسب غيرك.
قبل تروحي للحمام غسلي يدينك بالصابون .
*سوي شنطة صغيرة حطيه في شنطتك و محتوياتها:
أكياس صغيرة
مناديل جيب
كلوت نظيف
فوط نسائية
في شي ان شنط لهذي الاغراض اكتبي شنط فوط
تجي مربعة و تحسيها ما تكفي
لكن ترا تكفي الفوط و مناديل الجيب و الكلوت و اكياس..
الله يحفظكم و يبارك فيكم و ييسر اموركم يا رب العالمين..
ولك كل الشكر ع الافكار الحلوة