لازم نفتح ملف الشغالات !!! لأنهم جزء من مجتمعنا !!!

بنات :

هذه دعوة للجميع للحديث عن التجارب مع الشغالات !!! واللي جالسة بالبيت وما تشتغل وعندها شغالى ما تتكلم !!! لأنها ما هي بحاجة لهالشغالة !!! أما العاملات فهن اللواتي بحاجة لهن !!! ( أمزح ) الدعوة للجميع !!


أنا جربت 3 في 3 سنوات وكا وحدة تكلفني 10 آلاف درهم ................... يعني خسارة طبعا !!!

وأنا أشتغل بدوام كامل من 7 حتى 5 المساء وعندي أطفال .

3 شغالات أندونيسيات وما توفقت فيهن أبدا ..... آخر وحدة قلت بجيبها من نفس عمري حتى تكون لغة التفاهم موجودة وطلعت كبيرة ومغيرة عمرها بجواز السفر وما تتقبل الأوامر ................ وهي الشغالة ايش شغلتها غير تنفيذ الأوامر ؟؟؟ اعرف انها انسانة وأنا مراعية هالشي لكن في ساعات عمل ولازم تقوم بعملها .....

وتعالوا أستشيركم :
الله قال وحدة تشتغل برا وحامل بالشهر التاسع وكل يوم ترجع من الشغل تطبخ وهي واقفة بملابس الطلعة ؟؟؟؟

وبعد ما تحط الطبيخ عالنار تاحق تصلي المغرب بسرعة !!!

وتمسك سطل الماي وتبدأ بالمسح ؟؟؟ وتتزحلق كذا مرة .؟؟؟ والبيبي الله يستره ؟؟؟
والشغالة بغرفتها لأنها تقول ما أعرف أمسح ؟؟؟ أو تاخذ معاها المسألة ساعتين مسح وهي تستاهل 20 دقيقة ؟؟؟


يعني أنا بعذاب !!!!! أو مثلا : تقولين لها ما تمسكي الغسالة الأوتوماتيك لأنه فيها أرقام معينة وأنا مبرمجتها ولما ادخل انام بعد 15 دقيقة تلعب فيها حتى تخلص بسرعة ويظل الصابون بالملابس ؟؟ وهالحادثة حصلت أكثر من 30 مرة أمام عيوني .... كيف لو من وراي ؟؟؟


التمسيح بالفوطة غير حاصل لازم تمسح بملابسها أمام الأولاد اللي صاروا مثل المشردين يمسحون بملابسهم حتى الكاتشب لأنهم يقلدونها بكل شي !!!

أنا والله ما ابس اسفرها !!! ولست مستعدة لأي خسارة .............. لكن أريد إصلاحها أولا ...............

يعني كيف تتعاملون انتو لو ما أطاعت الأوامر ؟؟؟؟؟؟؟؟؟؟؟

مثلا بعد مسح الأرض الممسحة تكون مملوءة ماء وهي من كسالتها ما تقدر تعصرها بشكل جيد ...... ويظل الماء فيها وما تنشف .............. وكل مرة أعصرها أنا وأقول لها ليتر ماي طلع منها جربي اعصري أمامي تقعد طبعا تلوي شفايفها لأنها مش عاجبها الكلام ... وتقعد تعصر ببطء حتى تستفزني وأقول لها هاتي أنا بعصرها .

لو كنتم مكاني شو بعمل ؟؟؟؟ حتى تسلك ؟؟؟
ما تقولون لي سفريها لأني كل وحدة كنت اعصب وأسفرها !!!!!
هل تنصحوني يتدخل زوجي ويصارخ ؟؟ ممكن تخاف ؟؟؟

أو حين تأكل أكل الولد قبل أن يذهب للروضة ؟؟؟ شو أعمل وأكون اشتريت عصيرو ساندويتش أو اي شيء قبل يوم .............. تقعد تأكل وهي فاهمة أنه للولد ؟؟؟؟