لازم ننخطب؟؟؟

السلام عليكم ورحمة الله وبركاته


كيفكم ياحوائيات
لي فترة اهجول بالمنتدى والدنيا ضاايقه فيني بس الي زادني هالقسم
كله عن الزواج ولا انكر انا كاتبه بعد مواضيع بس ع كثر المواضيع المكتوبه ليه للحين مالقينا حل
يعني كل يدلو بدلوه هنا <<<< متعووب عليها ترى

يعني وش الاسباب اللي تاخر خطبه البنت او تجعلها غير مرغوبه من قبل الناس << يعني ليه ع كثر تكشخها وترززها مالفتت نظر هالحرم وخطبنها لاحد يقول لي رزق ونعم بالله ندري رزق بس نبغى نشتغل بالاسباب
خلالاص ادعيه وندعي ولله الحمد صابرين ومتاملين وقران ونقرا واذكار وحافظينها نبغى الان نشتغل بالاسباب
فهمتوا يعني من خلال خبره اللي تزوجوا او اللانساات مثلي وشش الكلام اللي سمعنوا ويخلي البنت مطلوبه للخطبه لاتقولون لي ماتعرفون كلكم بتخطبون لاخوانكم واللي مابونه بالبنت اللي بتخطبونها اكيد الناس بيشوفونه فيكم فا اسدحوا هنا كل مابخاطركم عن هالموضوع

انا بعطيكم مواقف مثلا انا وصديقاتي الا مصرين انو نتزوج واللي ترزز بالعروس واللي بالجامعه تتكشخ واللي تتعرف ع هذي وهذي علشان يعرفها اكبر قدر من البنات واللي خطابه ومشوا كلهم ماشاء الله طبعا مع القران والادعيه وقيام الليل بغيت انا اقولهم عاد انا اخر العنقوود لازم تفرحون فين يعدل وليومكم :44:
انا ادخل المنتدى وانا ضايقه فيني الوسيعه واجي بهالقسم واشوف بنات واجد مثل حالتي ومايعجبني هالوضع وودي انزل موضوع لكن ادري انه بينحذف ويمكن انا معه :27:
بس لازم نشوف لنا حل لاتجي وحده وتقول اشغلوا نفسكم باي شي الزواج موب كل شي بقول لها عطينا رجلك ولا تجي وحده وتحرج وحده علشانها تفضفض وتقول لها عيب واستحي كلنا بنات وانتوا اخواتنا ايه نبغى حلووول ترانا يمكن على نياتنا مانعرف كيف نصرف نفسنا ولاتقولون شلون ترى اعرف بنات كثار مواصفات وجمال لكن مايلفتون الانتباه
وتعرفون انو البنات اذا كانت ملفته طبعا بمجالس الحريم تنخطب بسرعه حتى لو شيييييييييييينه

الاسئله

مالي خلق اكتب بالفصحى لانها تطلع مني بمشقه وانا والفصحى من جنبها فخليني ع العربجه


انتي اذا كنتي بعزيمه واو بمجلس نساء وش اللي يلفت انتبهاك باللي حولك ؟

بعض البنات حتى لو مو حلوات بس لهم جاذبيه مع انك احلى منهم بس تحسين انهم جذابات وش الشي اللي تحسينه جذاب فيهم ؟؟

وش هي الطرق اللي تقدر تسويها البنت علشان تنخطب غير الدعاء وغير الاذكار يعني فيه بنات غشم مثلي وشرواي فديتني موب كل مكان مرتزين به فياليت تذكرون وين الاماكن اللتي يجب الارتزاز بها يعني جامعه زواج مشاغل <<< قسم صارت لاتستغربون ؟؟


كم الاعمار اللي تنطلب الان ؟؟
وش الموصفات اللي تسمعون عنها يعني نحيفه متينه طويله قصيره بيضاء حنطيه شعر طويل ناعم جعد ؟؟؟هذه الفغره اسدحوا كل مايجول بخاطركم


ايه سؤال مهم هلايام سمعت عنه هل صحيح انهم صاروا يركزون ع الاسم بعد سمعت وحده غير خطيبها اسمها بالملكه ؟؟؟احتياط علشان نعرف وش نختار لايحطنا ع اسم امه بعد


طبعا اذا جاوبتوا ع الاسئله هذي كلها راح نقدر نعرف كيف نصيد ام الهدف او الهدف نفسه :arb:
لاحد يقول المهور غاليه الرواتب ضعيفه الاهل شروطهم تعجيزية ليا جا احد يخطب ع الاقل حنا نبغى احد يخطب شوفوا لنا طريقه لنا حنا يالبنات ترى والله مجرد انو نسمع انو احد خطبنا او انو حنا مطلوبين نفرح حتى لو تاخر زواجنا
رجاء رجاء يمنع التجريح رفقا بقلوب العذارا <<< مدري من وين جايبتها


فتكم بعافيه