السلام عليكم
يااخواتي انا ماجيتكم الا ابغي افيدكم وانفعكم والله الشاهد علي اني ابغي لكم ماابغي لنفسي ماابغيكم تمرون في اشياء مريت فيها
والله يابنات انا كل مايخطر ببالكم مريت فيه مضايقات مشاكل عاىليه مشاكل صحيه تعطل امور
من صغري وانا من سي لاسوا كل ماابغي افرح تتقفل من جهه اخرى
صرت حساسه مهمشه واشياء كثير
صار كل همي امشي وقتي باي شي اسولف مع الناس وانا من جواي اتالم
يجرحون يسبون ماعندي كرامه ارجع لهم بكل ضعف وانهزام
توخذ حقوقي اسكت ومااقول اي شى كل مايطري على بالكم جربته
الفقر المرض ايذاء الناس تخلي الاحباب قسوة الاهل الغباء
وانا ماعندي شغله غير افكر ليش صار لي كذا وليش قالوا لي كذا
وابكي واندب حظي اشوف الناس تتطور وانا بمكاني
الى ان جتني لحظه خلاص والله كل الطرق مقفله بوجهي
جلست افكر لمتى كذا كل مااروح اشكي على احد من الدعاة
او الاطباء او المستشارين يقولوا لي نفس الكلام
يقولون لي الجىي لله عليك بالاستغفار والصلاة عليك بالاستعانه بالله
وماكنت اخذ بحكيهم لاني كنت اقول انا الجا لله وكاني متكاثره هالخمس الفروض
اللي اصليها
جاء مره جلست افكر انا وين اروحوين اولي
وعرفت انه فعلا مالي الا الله ياليتني عرفت شنو يقصدون الدعاة والصالحين والمستشارين
فعلا والله صارت تجيني افكار لمتى بتظلين كذا؟
ثم افكر شنو تسوين يعني؟ اهلك متوفين
التعب هد جسمك
الناس ماعندهم شى اكثر من اللي قالوه ليك
وسبحان الله بالصدفه شفت موضوع عن التفكر في ملكوت السموات والارض
والله يابنات بالصور موثق كيف حجم الارض عند الكواكب الثانيه
جد جد شى يحسسك بعظمة الله سبحانه وقدرته وان كل شى عليه هين
وبالفعل صرت افكر والله ان امري على الله هين
وانتي بالفعل لازم تشتغلي على نفسك لان مااحد بيشتغل عليك
وصرت اشوف عباره كثير اذا ماتسعد نفسك مااحد يسعدك
ودخلت المنتتدى الا المشرفه دونا ربي يسعدها مرسله لي عن حلقه تحفيظ القران
وانضميت معهم ولاول مره انضم مع قروب تحفيظ لان جد ماينفعني غير اني اشتغل على نفسي
بديت اغذي روحي بالقران معاهم
ودخلت موضوع اسمه قصر الاميرات وبديت اشتغل على نفسي واتنافس مع البنات
مو لجل اتزوج ولا لجل الناس لجل نفسي لازم انا اتبصر واتحرك واتطور
لازم فكري مايستسلم ولا يحس بفراغ يدخل منه الشيطان عليه
والله ياناس اول مره احس بهدوء في نفسي ورضا عن حالي
الان مايهمني شنو قالوا شنو صار لي شنو ماصار لي
يهمني اني اعمل لله ثم لنفسي اشياء ارضي ربي فيها اهم شى وهو راح يرضيني
والله اللي تبغي تريح نفسها
تقطع على نفسها المتحطمه وتقطع على الشيطان وتقوم تنفض عن نفسها الكسل
وتنفض عش العنكبوت قوموا يااخواتي
وعيشوا لله ثم لنفسكم ترى والله سعادتكم بتغذية انفسكم بالطاعه وبالعلم النافع وبالطعام النافع
اعتنوا بانفسكم لان مااحد بيعتني فيكم والاجمل انك تشعر بعناية المولى لك
تطيعه ويدافع عنك وينصرك ويعطيك
اعرف طولت عليكم بس حبيت تكونوا بالصوره كامله وتعرفوا الطريق اللي ياليت عرفته من زمان
ربي اعني عطاء يعجز عنه شكري ولا تبليني بلاء يعجز عنه صبري
وكل من ردت او قرات الموضوع
الله يسعدك زي ماسعدتيني بكلامك
تقبلي مروري