لاعانس مرتاحه ولامخطوبه مرتاحه؟؟

بسم الله الرحمن الرحيم
السلام عليكم ورحمة الله وبركاته:
أخواتي العزيزات حبيت أعرض لكم مشكلتي حتى تهونها عليه لاني بضيقه مايعلمها الا الله
بنات انا مثلي مثل كل هالبنات اللى تمنوا يعرسون طبعآ أنا عانت مع لقافة الناس ورمي الكلام
عن سبب تأخري في الزواج وكان الموضوع بيدي تخيلوا عمتي تقولي ليش ماقد أنخطبتي:icon33:
المهم بعد سنين من التجريح والدق بالكلام من اللى يحبني واللى يكرهني أنخطبت:icon28:ولله الحمد
المهم ياأخواتي انخطبت لواحد عمره 30سنه أكبرمني 4سنوات وملكت وصارلي شهرين مملكه
تخيلوا الصدمه يابنات طلع خطبي تفكيره ساذج ولما أتكلم معاه كأني أتكلم مع مراهق حركات وأسلوب
غير واعي تخيلوا يرسل مسجات وحوش وأطفال ومسجات مراهقين او مسجات مالها أي معنى أو مسجات
ماله أي مناسبه لحالتنا :06:
وتخيلوا مكالماته لي بالقطاره يعني من ملكت يمكن ماكلمني الا 4مرات وكلها ماتتعدى العشر دقائق
وكل مكالمه يقولي وينك ليش ماتدقين ليش ماتسألين؟؟تخيلوا من أول مكالمه له قالي ليش مادقيتي
قلتله بالصراحه مفروض الرجال اللى يبدأ مو الحرمه.
أنا بصراحة مرررررررره خجوله ولا اتجرأ أدق عليه

ابغى منكم تقولولي كيف اتصرف مع خطيبي المراهق؟ وش الرد المناسب اللى ارد عليه لما يقولي ليش ماتدقين؟
وتدعون ان ربي يسخره لي ويصلحه......

وأسأل الله العلي القدير أن يرزق جميع البنات الازواج الصالحين.



(سبحانك اللهم وبحمدك أشهد أن لا إله إلا أنت أستغفرك وأتوب أليك )