يااختي هل فيه عيب كبير صعب تتحملينه

او انه ماجا على مزاجج

لاتكون نضرتج قاصره انتي من البدايه مومتقبلته عشان جذيه تبين تنفصلين

ودامج مستخيره وملكتوا ومشى المووضوع فهذا معناته انه نصيبج

واذا غلط وناداج باسم طلقيته ترا مب معناته يحبها احتمال انه متعود على الاسمها

نصيحتي لج تستغفرين وتدعين ربج ان ييسر لج الخير

الله يعينك ويكتب لك اللي فيه الخير

الطيب يبان من معدنيه لأمن شكله ولا عمله ولا حتى لسانه
وهو العمله النادرة اليوم
انا مع كلام الأخت منتهى
قريبتي ماخذه واحد مطلق نسى وناداها باسم زوجته وهاذي هي اليوم ام عياله سعيده الله يبارك لها
بعد الاستخارة استشيري احد من اهلك او أقاربك بالموضوع ادرسيه من كل الجوانب
ربي يسهل دربك ويشرح صدرك

اذا كتب الله وحبيتيه تشوفينه ملك جمال ..يعني انسي سالفه الشكل وركزي على الاهم...وحاولي تسالين احد انا انخطبت واخواني قالو مانعرفه وماندري من نسال ورفضته وبعد فتره كنت اكلم مفتي وفسر لي حلم وقال لي عن وضعي من خلال الحلم وقلت انخطبت ورفضته من شان مايعرفووه اهلي قال اذا تبين اعطيني اسمه وانا اسال عنه بالعاده الداعيه له معارف بكل مكان قلت له لا خلاص رفضته,,خسارررررره,,,,

ي قلبي شكل هذا نصيبك
ودامك صليتي استخاره ووكلتي امرك لله خلاص ارضي بالي ربي كاتبه
وخصوصا انو فرص الزواج لك قليله لاتزعلين من كلامي حاولي تحبينه وتشوفين الاشياء الاجابيه فيه

انا مثلك تزوجت واحد مطلق وانا تعليمي جامعي وهو اقل مني بدايه الملكه كان قاسي في معاملته معي كان دايم يجرحني وكنت اصيح وصابره بس مع العشره عرفت طبعه واسلوبه وحبيته وشفته شخص ثاني لاتحكمين عليه من جلسه ظلي كم شهر معه يمكن تبين طيبته واخلاقه

انا بالبدايه كنت مثلك ماا ابيه وماتقبلته بس الحين لا ابيييه واموت عليه وان شاء الله نظل طول العمر مع بعض مشاء الله تبارك الله

حتى هو كان يقول تحمليني لانو مر بتجربه فاشله وانجرح عرفتي مو بسهووله ينسى طليقته الا اذا انتي نسيتي اياها عيشي حيااتك معااه

يمكن الجااااي احلى واحسن